Спорт
Ѓоковиќ лесно со Цонга, Зверев се мачеше со Шарди
Првиот носител на Австралија опен, Новак Ѓоковиќ, преку Жо-Вилфрид Цонга успеа да избори пласман во третото коло. За разлика од Ѓоковиќ, кој во три сета го победи Цонга, четвртиот фаворит, Александар Зверев, мораше да игра шет сета против Жереми Шарди …
Првиот носител на Австралија опен, Новак Ѓоковиќ, преку Жо-Вилфрид Цонга успеа да избори пласман во третото коло. За разлика од Ѓоковиќ, кој во три сета го победи Цонга, четвртиот фаворит, Александар Зверев, мораше да игра шет сета против Жереми Шарди од Франција.
Ѓоковиќ не блескаше, но и тоа беше доволно за да го совлада Цонга. Србинот и Французинот играа два часа и девет минути, а Ѓоковиќ победи 6/3, 7/5, 6/4. Србинот ја забележа 17. победа во 23. меч со Цонга.
Ѓоковиќ лесно го доби првиот сет иако на неговиот брејк во четвртиот сет Цонга во наредниот возврати со рибрејк. Вториот сет беше клучен за понатамошниот тек од мечот. До осмиот гем Цонга не искористи пет брејк-топки, а Ѓоковиќ ја реализира првата за водство 5:3.
Францускиот тенисер сепак успеа да се врати во сетот, и тоа во десеттиот гем кога Ѓоковиќ сервира за 2:0 во сетови. Сепак, Цонга немаше сили за пресврт, Ѓоковиќ направи уште еден брејк, а потоа лесно го доби својот сервис гем за 2:0.
Во третиот сет Цонга добро парира до петтиот гем, потоа Србинот направи брејк и лесно го заврши мечот.
Во третото коло противник на Ѓоковиќ ќе му биде младиот тенисер од Канада, Денис Шаповалов.
За разлика од Ѓоковиќ, четвртиот носител, Зверев, успеа да прокоцка предност од 2:0 во сетови и му дозволи на Шарди да стигне до 2:2. Сепак, во последниот сет Германецот доминира и го заврши мечот по три часа и 50 минути со 6/4, 7/6, 5/7, 6/7, 6/1.
Зверев во наредната рунда ќе игра против домашната сензација, момчето со славно презиме Алекс Болт, кој во пет сета го победи Жил Симон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.