Спорт
Исланѓаните не „фатија“ во финишот, Македонија без втора рунда
Македонската ракометна репрезентација под водство на селекторот Раул Гонзалес не ја исполни главната цел на Светското првенство во Германија и Данска, откако потфрливме во последните десетина минути и загубивме од Исланд со 22:24, што значи дека „рибар…
Македонската ракометна репрезентација под водство на селекторот Раул Гонзалес не ја исполни главната цел на Светското првенство во Германија и Данска, откако потфрливме во последните десетина минути и загубивме од Исланд со 22:24, што значи дека „рибарите“ наместо нас одат во втората рунда.
А почетокот беше одличен. И покрај тоа што примивме (пре)многу голови во ситуација без голман (7-на-6), Македонија по почетното водство на Исланд беше постојано во предност и на полувреме имавме солдни два предност (13:11).
Оваа предност ја држевме и до средината на второто полувреме, пред противниците да го искористат падот во нашата игра и да дојдат на два разлика (16:18). Потоа, до крајот на мечот, ние успевавме да се вратиме до нерешен резултат, но на крајот, Исланѓаните се покажаа како поквалитетна и поискусна репрезентација и влегоа во наредната фаза.
Гунарсон успеа да ни даде дури 10 голови, додека во нашата репрезентација Кирил Лазаров имаше пет, додека Талески и Манасков имаа по четири.
Натпреварувањето на Македонија на СП не завршува, бидејќи сега следува настап на таканаречениот Президентс куп, против Русија.
Фото: ЕПА
СП ГЕРМАНИЈА/ДАНСКА, 5.КОЛО
ГРУПА Б
Бахреин – Јапонија 23:22 (10:9)
МАКЕДОНИЈА – Исланд 22:24 (13:11)
Шпанија – Хрватска 20.30 ч.
Табела: 1.Хрватска 8, 2.Шпанија 8, 3.Исланд 6, 4.Македонија 4, 5.Бахреин 2, 6.Јапонија 0
ГРУПА А
Бразил – Кореја 35:26 (18:10)
Германија – Србија 31:23 (16:12)
Франција – Русија 20.30 ч.
Табела: 1.Германија 8, 2.Франција 7, 3.Бразил 6, 4.Русија 4, 5.Србија 3, 6.Кореја 0
ГРУПА Ц
Чиле – Саудиска Арабија 32:27 (21:13)
Австрија – Тунис 27:32 (14:18)
Данска – Норвешка 20.30 ч.
Табела: 1.Норвешка 8, 2.Данска 8, 3.Тунис 6, 4.Чиле 4, 5.Австрија 2, 6.Саудиска Арабија 0
ГРУПА Д
Египет – Ангола 33:28 (19:12)
Катар – Аргентина 26:25 (16:13)
Шведска – Унгарија 20:30 ч.
Табела: 1.Шведска 8, 2.Унгарија 6, 3.Египет 5, 4.Катар 4, 5.Аргентина 3, 6.Ангола 2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Брансон ја испрати Филалделфија на летен одмор, Милвоки без Јанис немоќни против Индијана
Кошаркарите на Њујорк Никс и Индијана Пејсер се изборија за меѓусебна пресметка во полуфиналето на Источна конференција, во НБА лигата. Изминатата ноќ Никс и Пејсер ги забележаа победите број 4 против Филаделфија односно Милвоки.
Пред една деценија, Филаделфија го избра Џоел Ембид како прв пик на драфтот. Со него Сиксерси се уште немаат финале на Истокот.
Брилијантниот Џејлен Брансон го предводеше Њујорк до победата 118:115 во шестиот натпревар.
Брансон забележа 41 поен и 12 асистенции (трет последователен натпревар со најмалку 40 поени), Донте ДиВинченцо постигна 23 поени со седум асистенции, а О Џи Ануноби имаше 19 поени и девет скока.
Џош Харт додаде 16 поени, 14 скока и седум асистенции и ја постигна клучната тројка за победа на 24,4 секунди до крајот.
Во тимот од Филаделфија најефикасен беше Џоел Ембиид со 39 поени и 13 скока. Бади Хилд додаде 20 поени, Тајрис Макси имаше 17 поени, пет скока и пет асистенции, Кели Оубре имаше 17 поени и пет скока, а Николас Батум заврши со 16 поени и седум скока.
Индијана Пејсерс славеше против Милвоки 120:98 за вкупни 4:2 во серијата. Без Јанис Адетокумбо и со повредениот Демијан Лилард, Милвоки немаа шанса против Индијана. Шестиот меч го решија играчите од клупата. Резервите на Индијана постигнаа 40 поени.
Оби Торпин со 21, Ти-Џеј Меконел со 20 поени и девет асистенции, односно Паскал Сијакам со 19 ја предводеа Индијана.
На спротивната страна Лилард, кој го припушти претходниот меч постигна 28 поени, Боби Портис додаде 20 поени и 15 скока, а Брук Лопез 20 поени.
Спорт
Тонали повторно е казнет поради обложување
Фудбалерот на Њукасл, Сандро Тонали (23), повторно е казнет за нелегално обложување.
Фудбалската асоцијација на Англија (ФА), го казни со двомесечна суспензија условно и 20.000 фунти поради кршење на правилата поврзани со забраната за обложување во Англија.
Оваа казна значи дека Тонали ќе може да се врати на терените откако ќе му истече 10-месечната забрана што му ја изрече Италијанската фудбалска федерација (ФИГЦ) на 27 октомври минатата година, со услов да не направи нов прекршок.
Минатата есен, ФИГЦ го казни Тонали за обложување на натпревари во Италија, а поради тоа овој талентиран играч за врска нема да може да игра на Европското првенство во Германија, каде Италија ќе ја брани шампионската титула.
Тонали на почетокот на оваа сезона се пресели од Милан во Њукасл за 70 милиони фунти и веднаш покажа дека ќе биде големо засилување за „страчките“.
Сепак, набрзо следеше суспензијата на ФИГЦ, па младиот Италијанец забележа само осум настапи, на кои постигна еден гол во дресот на Њукасл.
Спорт
Уште еден голем пријател на Меси пред трансфер во Интер
Уште еден пријател на Лионел Меси наскоро би можел да пристигне во Интер Мајами. Како што пренесува ЕСПН, Анхел Ди Марија ги започнал преговорите со Дејвид Бекам.
„Ди Марија сериозно преговара со Мајами и можеби тој ќе стане челн на тимот веќе во јули. Таа опција му се допаѓа на Фидео (прекар Ди Марија)”.
На Анхел Ди Марија договорот со Бенфика му истекува на крајот од сезоната.
Ди Марија и Меси долги години се соиграчи во репрезентацијата на Аргентина, со која го освоија Светското првенство во 2022 година.
Интересно е тоа што Ди Марија отсекогаш имал голема желба да игра со Меси, а уште додека играше во Реал Мадрид заедно со Кристијано Роналдо велеше дека Меси е најдобриот фудбалер на светот.