Регион
Драгољовиќ: Посетата на Путин на Белград не е на штета на евроинтеграциите

Посетата на рускиот претседател Владимир Путин не влијае на европските интеграции на Србија, кои се надворешнополитички приоритет на земјата, оценува координаторката на Националниот конвент за ЕУ, Наташа Драгољовиќ.
Според неа, проблемот е во тоа што односите меѓу Русија и ЕУ се затегнати и многу комплицирани од избивањето на кризата на Крим, што потсетува дека ЕУ и натаму ги држи санкциите кон Русија.
„Како ќе се решава таа криза, така, најверојатно, и ќе се подобруваат односите меѓу Русија и ЕУ и можеби односот на пријателство меѓу Србија и Русија нема да има таква конотација, но и заднина во толкувањата“, додала Драгољовиќ.
Таа вели дека Србија сè уште не добила документ со кој би можела јасно да види што ЕУ мисли за нивниот однос со Руската Федерација во економска, политичка и во безбедносна смисла, како и за тоа како засиленото руско влијание евентуално ќе влијае на исполнување на критериумите за членство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.