Свет
Што се крие во црната торба што луѓето на Путин не ја испуштаат од раце
Посетата на рускиот претседател, Владимир Путин, во Србија помина со безбедносни мерки на највисоко ниво.
За безбедноста на Путин се грижеа повеќе од 5.000 српски полицајци и припадници на тајните служби и 300-350 руски припадници на безбедноста, кои, според српските медиуми, претходно оваа недела веќе пристигнаа во Белград.
Кога слета во Белград, Путин со претседателот на Србија, Александар Вучиќ, првин ги посети Гробиштата на ослободителите на Белград.
Во таа пригода камерите забележааа интересен детаљ. Во многубројната безбедносна придружба на Путин особено се истакнуваше еден телохранител кој цврсто држеше црна торба и во чекор го следеше Путин.
Како што пишуваат српските медиуми, тоа е посебна торба – внатре се наоѓаат контролите за руското нуклеарно оружје.
Во американските филмови познати се сцените во кои американските претседатели не се одвојуваат од навидум деловните торби во кои ги кријат контролите на нуклеарното оружје. Но, за разлика од американската торба што ја нарекуваат „фудбал“, руската верзија се нарекува „чегет“.
Според „Блиц“, торбата го добила името според еден планински врв на Кавказ, што во превод значи – црн. Чегет му овозможува на рускиот претседател во секој момент да може да комуницира со руската врховна команда на нуклеарните сили. Борис Елцин дури еднаш и ја искористил торбата и го запалил „чегетот“ во 1995 година поради лансирана ракета во Норвешка.
За среќа, тоа била само метеоролошка ракета, така што немало реакција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.