Спорт
Алваро Мората се враќа во Мадрид
Напаѓачот на Челси, Алваро Мората, до крајот на сезоната ќе го носи дресот на Атлетико Мадрид. „Марка“ открива дека двата тима постигнале договор, иако Челси во почетокот одбивале да преговараат за позајмица на напаѓачот. Според овој извор Мората од ут…


Напаѓачот на Челси, Алваро Мората, до крајот на сезоната ќе го носи дресот на Атлетико Мадрид. „Марка“ открива дека двата тима постигнале договор, иако Челси во почетокот одбивал да преговара за позајмица на напаѓачот. Според овој извор, Мората од утре официјално ќе стане член на Алетико.
Алваро Мората дел од својата јуниорска кариера минал во Атлетико, за потоа преку Реал, Јувентус и Челси повторно да се врати во редовите на „јорганџиите“. Мората е најскапото засилување во историјата на Челси.
Сепак, тој не ги исполни очекувањата на „Стенфорд Бриџ“, а сега се обиде да се врти во форма во Атлетико.
Договорот на клубовите е дека Атлетико по завршувањето на сезоната ќе може да го откупи неговиот договор за 40 милиони евра.
Во меѓувреме, Атлетико се обидува да се ослободи од двајца играчи, кои во клубот пристигнаа во летниот преоден рок. Никола Калиниќ и Желсон Мартинш не ги оправдаа очекувањата на тренерот Диего Симеоне.
Заминувањето на Мората од Челси значи „сините“ ја завршиле работата околу трансферот на Гонзало Игуаин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Детали го делат Бенитез од клупата на Панатинаикос

Трофејниот шпански стручњак Рафаел Бенитез (65) треба да го преземе грчкиот тим Панатинаикос во наредните денови, откако че бидат дефинирани деталите за идната соработка.
Великанот од Атина е во потрага по тренер по заминувањето на Португалецот Руи Виторија, кој беше отпуштен на 15 септември, еден ден откако „зелените“ загубија од Кифисија со 3:2.
Во меѓувреме, Панатинаикос значително ја подобри играта и резултатите под водство на привремениот тренер Христос Контис и забележа голема победа во Лигата на Европа против Јанг Бојс (4:1), но во клубот, и покрај очигледниот напредок, бараат ново, по можност звучно име за клупата.
Според грчките медиуми, изборот паднал на тренерот кој ја освои Лигата на шампионите со Ливерпул во 2005 година, две титули во Ла Лига и Купот на УЕФА со Валенсија и Лигата на Европа со Челзи.
Истите извори наведуваат дека Бенитез пристигнал во Атина со приватен авион во четврток наутро за финални преговори со челниците на клубот и најверојатно за потпишување на договорот.
Наводно, Панатинаикос му нуди дури пет милиони евра само за едногодишна соработка.
Спорт
Џексон Хејс ќе добие пасош на Словенија

Центарот на Лос Анџелес Лејкерс, Џексон Хејс (25), откри дека е во процедура за добивање словенечки пасош за во иднина да може да игра со Дончиќ и во репрезентацијата.
Хејс е член на Лејкерс од 2023 година, претходно играше за Њу Орлеанс.
Наскоро би можел да биде опција за селекторот на Словенија, Александар Секулиќ, кој бара играч на позицијата „пет“ по повлекувањето на Џош Нибо за последниот Евробаскет.
Нибо, да потсетиме, поради повреда, не доби дозвола од својот клуб Милано да игра за Словенија, што ги принуди челниците на КС Словенија да најдат посигурно решение за наредните години.
Изборот падна на Хејс, со кого неговиот соиграч Лука Дончиќ ги водеше преговорите.
„Лука е мој човек. Работиме заедно за да добиеме словенечки пасош и да можеме да играме за Словенија следното лето“, ги изненади Хејс новинарите по натпреварот со Далас.
Хејс со тоа би бил четвртиот странец во последните неколку години во дресот на Словенија, по Ентони Рандолф, Мајк Тоби и Џош Нибо.
Словенија беше европски шампион во 2017 година со Рандолф.
Спорт
(Видео) Бецеки казнет за инцидентот со Маркез во Индонезија

По речиси две недели оо контроверзниот инцидент на Големата награда на Индонезија, судиите на Мото ГП ја донесоа конечната одлука да го казнат возачот на Априлија, Марко Бецеки.
Марко Бечеки е казнет со двоен долг круг, кој ќе мора да го одработи на неделната трка на Големата награда на Австралија.
Станува збор за судирот што се случи во седмата кривина, во првиот круг од трката на патеката „Мандалика“, кога Бецеки го собори Марк Маркез. Иако судиите веднаш започнаа истрага, тие не можеа да ја слушнат верзијата на Бецеки за несреќата бидејќи Италијанецот заврши во медицинскиот центар на самата патека.
Затоа, беше одлучено дека одлуката ќе биде донесена по неговото сослушување во Австралија, каде што Бецеки денес ја даде својата изјава.
Судиите се повикаа на членот од правилата, кој се однесува на „дејствија што создаваат опасни ситуации и доведуваат до несреќа“, и истакнаа дека Бецеки е во центарот на вниманието по втор пат оваа сезона поради инцидент.
Тој беше казнет за прв пат во Аргентина поради контакт со Фабио Квартараро.
Веднаш по инцидентот, возачот од Римини ја призна својата грешка и му се извини на Маркез, а потоа двајцата се сретнаа во медицинскиот центар. Маркез подоцна се огласи на социјалните мрежи за да ги повика фановите да не го обвинуваат Италијанецот, велејќи дека ваквите ситуации се дел од спортот.
A costly miscalculation 😔
Bezzecchi reflects on the collision with @marcmarquez93 that landed him a double LLP ahead of Sunday ⚠️#AustralianGP 🇦🇺 pic.twitter.com/IpBKk6CDlT
— MotoGP™🏁 (@MotoGP) October 16, 2025
На „Филип Ајленд“, Бецеки повторно застана пред камерите и ја повтори својата одговорност:
„Не се обидував да го престигнам. Тој силно сопираше, погрешно ја проценив ситуацијата. Тоа беше моја вина“, рече Бецеки, додавајќи дека сè уште чувствува голема болка во грбот.
Бечеки ја искористи можноста да го посочи проблемот со чакалот покрај патеката „Мандалика“, кој, според него, придонел за сериозноста на повредите.