Свет
(Видео) Одбила да работи во недела, ја тужела компанијата и добила 21 милион долари
Мари Жан Пјер (60) добила отказ откако одбила да работи во неделите за да може да присуствува на миса во црква во Мајами, САД.
Таа работела како садоперка во еден хотел повеќе од една деценија, односно сè до март 2016 година. Пјер тврди дека го известила работодавачот дека не може да работи во недела поради нејзините врски убедувања. Таа добила отказ затоа што не се појавила на работа во неделите во текот на шест седмици. Нејзиниот претходен работодавач ѝ дозволувал, односно ја ослободувал од работа во неделите, но во 2015 година со новиот шеф работите се смениле.
Нејзиниот адвокат во тужбата навел дека нејзиниот поранешен работодавач го прекршил Законот за граѓански права од 1964 година кој ги штити работниците од дискриминација врз основа на вера, раса, пол или потекло.
Судот минатата недела донел пресуда во нејзина корист, а на хотелот му наложил да ѝ исплати отштета од 21 милион долари, сума во се вклучени и заостанатите плати, како и отштета за емоционална болка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.