Македонија
Реформите во разузнавачкиот сектор, во фокус на средбата помеѓу Спасовски и делегацијата на НАТО
Преспанскиот договор и реформите во безбедносно-разузнавачкиот сектор беа теми на состанокот помеѓу министерот за внатрешни работи, Оливер Спасовски, и делегацијата на НАТО, предводена од Арнт Фрајтаг фон Лорингхофен, помошник на генералниот секретар за разузнавање и безбедност.
Арнт Фрајтаг фон Лорингхофен го поздрави постигнатиот политички договор со одобрувањето на договорот од Преспа во македонскиот парламент, со кој оцени дека се отвора патот на Македонија кон интеграција во НАТО и ЕУ.
Министерот Спасовски ги запозна гостите со досегашниот тек на реформите и имплементацијата на новиот систем за следење на комуникациите, а го запозна и со детали од текстовите на законите со кои се продолжува реформата во безбедносно-разузнавачкиот сектор.
Арнт Фрајтаг фон Лорингхофен изрази поддршка за досегашниот тек на реформите, кои продолжуваат со силен интензитет и се од големо значење за членството на Македонија во НАТО. Тој позитивно го оцени напредокот што е направен во рамките на Управата за безбедност и контраразузнавање, како и враќањето на угледот на управата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.