Европа
Лихтенштајн утре го прославува 300. роденден
Лихтенштајн е земја голема колку Менхетн, има 38.000 жители, еден бискуп, еден тунел, отворен базен, затвор и „Мекдоналдс“, но затоа има 15 банки.
Кнежевството што се наоѓа меѓу Австрија и Швајцарија според бројот на жители е шестата најмала земја во светот. В четврток го одбележува својот 300. роденден, кој го игнорираат речиси сите освен неговите непосредни соседи.
Владејачкото кнежевско семејство има значајно влијание во државата, но 25.000 жители кои можат да се наречат Лихтенштајнци немаат приговор на тоа. Во 2012 година тие ја отфрлија иницијативата на кнезот да му се укине правото на вето на одлуките на парламентот. Тие главно го поддржуваат неговиот конзервативен политички пристап. Кнезот во 2011 година рече дека ќе стави вето на Законот за ублажување на забраната за абортус, но немаше потреба од тоа бидејќи народот го послуша и го отфрли предлогот на референдум. Официјалното мото на Лихтенштајн е „За Бога, кнезот и татковината”.
Највисоката даночна стапка е осум проценти. Покрај 25.000 Лихтенштајнци, 13.000 странци обезбедија престижно право на престој во земјата. Секоја година се доделуваат само неколку десетици дозволи за престој. Околу 20 000 луѓе, повеќе од половина од вработените во кнежевството мора да живеат во Швајцарија или Австрија.
Петнаесет лиценцирани банки во Лихтенштајн првенствено се вклучени во управувањето со средствата. Во 2017 година, тие водеа сметка за приближно 300 милијарди долари на своите клиенти, што е речиси 8 милиони долари по глава на жител. Повеќето од овие пари се во сопственост на странски клиенти. Најголемата банка, LGT, е во сопственост на кнежевското семејство.
Лихтенштајн долго време се сметаше за даночна оаза, со нејасни фондации кои им одговараа на странците за да го сокријат неоданочениот имот од даночните власти во нивните земји. Тогаш се случи доверливите податоци на клиентите да бидат украдени и продадени во Германија. Скандалот што избувна во 2008 година доведе до осуда на директорот на германската пошта (Deutsche Post), Клаус Зумвинкел, кој беше принуден да поднесе оставка. Минатата година Европската Унија го симна Лихтенштајн од својата „сива листа” на даночни оази под надзор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.