Црна хроника
Десет кривични и 167 прекршочни пријави за нелегално сечење и трговија со дрва
Во рамки на акцијата „Гора“ насочена кон сизбивање на криминалот со нелегална трговија со огревно дрво, сечење и пустошење шуми, од крајот на јуни до сега запленети се повеќе од 1.000 кубни метри дрвна маса или во просек по околу три камиони дневно, соопштуваат од Министерството за внатрешни работи.
Од таму соопштуваат дека при извршени контроли во 245 легални складишта н огревно дрво 49 биле затворени, а при контрола на 31 правно лиценцирано лице кај дури 21 субјект биле регистрирани неправилности во работењето.
Акција „Гора“ ја спроведува МВР потпомогнато од Државниот инспекторат за шумарство, Државниот пазарен инспекторат, Државниот трудов инспекторат и Управата за јавни приходи.
Министерката за внатрешни работи, Гордана Јанкулоска, посочи дека досега се поднесени 10 кривични пријави за “кражба“, “фалсификување исправа“, “даночно затајување“, “злоупотреба на службена положба и овластување“ и “несовесно работење во службата“.
При контролите на складовите со дрва досега биле евидентирани 167 прекршоци оносно 94 од страна на Државниот пазарен инспекторат, од страна на Управата за јавни приходи – 65 прекршоци, од страна на Државен инспекторат за труд – три прекршоци, од страна на Државен инспекторат за шумарство и ловство – три прекршоци, и по еден прекршок од Министерството за внатрешни работи и од Шумска полиција.
Покрај ова во рамките на секојдневното работење дополнително се документирани пет кривични дела, од кои три кривични дела „злоупотреба на службена положба и овластување“ и две кривични дела „несовесно работење во служба“.
СВР Тетово документирало злоупотреби вршени од четворица вработени во шумска полиција и еден инспектор за шумарство кои неовластено вратиле околу 95 метри кубни дрва, кои претходно полицијата ги одзеде во акциската контрола на 24-ти јуни годнава. СВР Велес откри несовесно работење на тројца магационери во „ЈП Македонски шуми“ кои дозволиле незконско продавање на дрвна маса во вредност од околу 72.000 евра, додека СВР Куманово мерки на кривичен прогон перзела против директорот на подружницата на Македонски шуми во Куманово, поради незаконско присвојување на 6.500 евра од благајната на претпријатието и огревно дрво во вредност од 1.500 евра, соопштуват од МВР од каде додаваат дека вредноста на досега запленетите огревни дрва е проценета на над 36.000 евра /крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.