Свет
Објавен идентитетот на болничарот што забремени Американка која е во кома 14 години

Медицински техничар што требало да се грижи за жена што над десет години била во вегетативна состојба и кома, а која се породи пред еден месец, е уапсен денеска во Феникс.
Полицијата објави дека го уапсила 36-годишниот Нејтан Шатерленд, медицински техничар кој работел во болницата Hacienda Healthcare, каде што жената со години лежела во кома. Тој е обвинет за силување на пациентката, која се породи пред еден месец.
Овој случај го шокира целиот свет кога жена што со години е во несвесна состојба одеднаш роди дете. Жената пред 14 години учествувала во инцидент во кој таа речиси се удавила во вода по што паднала во кома.
Болничкиот персонал не знаел дека е бремена сè додека таа не се породила.
Медицинските сестри забележале нешто чудно кога пациентката почнала да стенка во креветот. Полицијата веднаш се посомнева во силување и почна истрага, а целиот машки персонал во болницата бил принуден да даде примерок од ДНК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.