Свет
Амбасадорот на Турција во САД го обвини сенаторот Менендез за поддржување тероризам
Амбасадорот на Турција во Вашингтон го возврати ударот кон сенаторот од САД поради коментарите дека тој ја поддржува терористичката група ПКК негирајќи дека Курдите во Сирија се терористи.
Сердар Килиџ упати критики кон сенаторот Боб Менендез, кој лажно ја оцени терористичката група како најблизок сојузник на Вашингтон.
„За ваша информација, групата YPG/PYD не ги претставува сириските Курди“, изјави Килиџ на „Твитер“.
„Прашајте ги оние 300.000 Курди од Сирија што избегаа од насилствата и сега се бегалци во Турција. Тие сè уште не можат да се вратат во своите домови во Сирија бидејќи вашите сојузници не им го дозволуваат тоа“, додаде Килиџ.
Менендез е познат по своите антитурски изјави, а до неодамна беше против скорешната одлука на Доналд Трамп да ја повлече војската од Сирија опишувајќи го потегот како погрешен.
„Со наглото повлекување на американската војска од Сирија кабинетот на Трамп ги напушта Курдите, кои се наши најблиски сојузници во борбата“, изјави Менендез.
„Сенаторот треба да научи повеќе за оваа чувствителна тема“, вели Килиџ.
„Она што вие го дефинирате како – Курдите, нашите најблиски сојузници – е група која е разгранок на ПКК, терористичка група која е признаена како таква и од страна на САД“, додава амбасадорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.