Спорт
Монако го суспендираа Анри, ќе одлучуваат за неговата иднина!
Поранешниот француски шампион Монако потврди дека го суспендирале својот тренер Тјери Анри додека клубот ќе одлучува за неговата иднина, зголемувајќи ги шпекулациите дека поранешниот светски шампион со Франција ќе биде отпуштен исто како и неговиот пре…
Поранешниот француски шампион Монако потврди дека го суспендирале својот тренер Тјери Анри додека клубот ќе одлучува за неговата иднина, зголемувајќи ги шпекулациите дека поранешниот светски шампион со Франција ќе биде отпуштен исто како и неговиот претходник Леонардо Жардим.
Шампионите од 2017 се во зоната за испаѓање со пет победи во 20 меча под Анри, кој дојде на клупата во октомври. Франк Паси, кој беше именуван за помошник на Анри на 20 декември, денеска го одработи тренингот со клубот.
Анри „полуде“ при саботниот 1:5 домашен пораз од Стразбур, нарекувајќи ја бабата на противничкиот дефанзивец Кени Лала „курва“. Тој исто така се жалеше на нефункционирањето на ВАР системот во мечот, велејќи дека тоа е главната причина за поразот.
За најдобриот стрелец во историјата на премиерлигашот Арсенал, ова е прва тренерска работа, откако претходно беше помошник на Роберто Мартинез во белгиската репрезентација, со која освои бронза на СП во Русија. Тој беше еден од кандидатите за тренер на Астон вила во октомври, пред да го замени Жардим.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јасикевичиус го сака Димитријевиќ во Фенербахче
Актуелниот МВП во ВТБ лигата, македонскиот репрезентативец, Ненад Димитријевиќ, од наредната сезона веројатно ќе игра во Евролигата.
Кошаркарот на Уникс, со просек од 19 поени по меч, 6,6 асистенции, 3,3 скока и 1,3 украдени топки го обележа регуларниот дел од сезоната во ВТБ лигата.
Според информациите на турските медиуми, Димитријевиќ е на мета Фенербахче. Тренерот Шарунас Јасикевичиус изразил желба да го види Димитријевиќ во својот тим. .
Фенербахче ќе направи реконструкција на плејмејкерската позиција, извесно е дека тимот ќе го напуштат Гркот Ник Калатес и Израелецот Јам Мадар.
Спорт
МЗТ загуби од Спартак Суботица
Фото/ Петр Стојановски/ АБА2
Кошаркарите на МЗТ го загубија првиот полуфинален натпревар во АБА 2 лигата. Вечерва во Скопје, МЗТ доживеа пораз од Спартак 73:78 (15:23, 16:12, 24:17, 18:26).
Лошата игра во првиот дел во кој му дозволија на гостинот апсолутна доминација во скокот го однесе МЗТ во пораз. Спартак, најдобриот тим во регуларниот дел од сезоната, преку скокот ја контролираше играта. Одличната секвенца на Војдан Стојановски во финишот на полувремето го доближи МЗТ на само четири поени негатива.
Американецот Гилион одлично го започна вториот дел, со седум поени во низа го врати МЗТ во водство. Се одлепи МЗТ на пет поени (55:50) во финишот на третиот период и тука застана.
Спартак предводен од Гордиќ стекна предност од 10 поени, предност која МЗТ успеа да ја преполови.
Војдан Стојановски со 20 поени, по три скока и асистенции и шест украдени топки го предводеше МЗТ. Двоцифрени беа и Делалиќ со 13, Танасковиќ со 12 и Гилион со 11 поени. Кај Спартак се истакна Гордиќ со 16 поени и шест асистенции.
Реваншот се игра за една недела во Суботица.
Спорт
Катастрофа за Милвоки се повреди и Лилард
Кошаркарот на Милвоки, Демијан Лилард заработил повреда на Ахиловата тетива, објавија сите НБА инсајдери.
Лилард играл последните недели и покрај проблемите со Ахиловата тетива, и ја влоши состојбата во последниот дел од третиот натпревар од првото коло од плеј-офот против Индијана.
Плејмејкерот на Милвоки мора да носи ортопедска чизма и под знак прашалник е за четвртиот меч (понеделник, 01.00 часот) во серијата во која Пејсерси водат со 2:1.
Бакс веќе играат без Јанис Адетокумбо, кој ќе ја пропушти првата рунда, а неговата сезона многу лесно може да заврши доколку Милвоки биде елиминиран.
Во првите три натпревари во плејофот, Лилард имаше просек од 32,3 поени и 5,7 асистенции по натпревар.