Целта на тероризмот во Франција и Европа е да се прeдизвика страв и парализа, а Македонија и премиерот Никола Груевски можат да промовираат Антитерористичка алијанса на Балканот, вели реномираниот американски аналитичар Умберто Паскали по повод терористичките напади врз редакцијата на парискиот сатиричен неделник Charlie Hebdo.

„Македонија да стапи во антитерористички сојуз со балканските земји, но и да соработува со големите светски сили, Русија, Кина, Франција, Германија, Италија и други“, изјави во интервјуто на програмата „Гласот на народот“ на ТВ Сонце, со новинарот Слободан Томиќ, угледниот американски аналитичар Умберто Паскали.

Ваквиот совет на Паскали уследува по најновата крвавата париска драма која завшри во петокот со вкупно 17 жртви. Според него, треба да се види каква ќе биде реакцијата на една здрава и нова промена на владата на Франсоа Оланд кој предлага да се стави крај на судирот меѓу Европа и Русија, како и крај на санкциите против Русија.

Притоа, Паскали додава: „На 4-ти јануари, три дена пред терористичкиот напад во Париз, Франоа Оланд имаше интервју на меѓународното радио во кое го изјави следново: ‘Ако Русија е во криза, тоа не значи дека е добро за Европа. Јас мислам дека е време да се прекине со санкциите веднаш. Убеден сум дека господин Путин нема намера да ја анексира Украина. Тој единствено не сака да ја види Украина во кампот на НАТО’“, нагласува американскиот аналитичар за Гласот на народот.

Паскали го цитира и заменикот канцелар на Германија, Зигмар Габриел кој вели „Тие што сакаат да ја дестабилизираат Русија економски и политички, имаат свои лични интереси, различни од нашите. Некои чинители во Европа и САД би сакале да ја уништат Русија, но тоа не е во интерес на Германија, ниту на Европа. Ние сакаме да помогнеме да се реши конфликтот во Украина а не да ја видиме Русија на колена. Нашата цел е да не ја туркаме Русија во економски и политички хаос. Тие што го посакуваат тоа, ќе предизвикаат многу опасна состојба за сите нас во Европа“.

Според Умберто Паскали, сите политички лидери, пред се’, треба да знаат дека целта на овој тероризам е да се предизвика страв и парализа, да се спречат одговорни и разумни луѓе да преземаат правилни, соодветни мерки за својот народ. Тие мораат да сфатат дека ваков напад, не е никаков знак на сила, туку дека е тоа знак на очајаните и на слабост.

Веројатно тие би ѝ се заканиле и на цела Европа, но според се’, се чини дека Европа е изгубена за нив, односно дека е на пат на една нова независност.

Осврнувајќи се на Македонија, американскиот експерт за приликите на Балканот вели: „Вие, во Македонија имате среќа што имате еден државник каков што е Никола Груевски, којшто има стратешки ум, морал и храброст и е во состојба да ги трансформира објективните слабости од македонската сегашност во субјективни сили. Тој е во состојба да спроведува една деголистичка политика таканаречена 360 степени тус азимутс (tous azimuts). Ова и дава на Македонија една улога што е многу поголема од нејзината вистинска големина. Денес Македонија е дел од една голема регионална игра на Балканот но и пошироко“, нагласува Паскали во Гласот на народот. Додава дека „оваа географска површина, сега веќе де факто, има постигнато сериозен степен на независност и во суштина го менува текот на еден долговечен процес на ропство спроведен од Британската империја – Балканизација. Овој ужасен збор Балканизација имаше значење на распаѓање на секоја држава на се помали и помали делови кои беа лесни за манипулација и немоќни да се одбранат самите. Тоа беше екстремна верзија на политиката дивиде ет импера (подели па владеј). Погледнете што направија со Балканот. Ја имавте Турција во судир со Грција, Грција во судир со Македонија, Македонија во судир со Албанија, Хрватска наспроти Србија, Босна поделена , Косово претворено во НАТО зона франка…Бугарија, Романија… Турција како Британски сојузник, мораше да биде спротивставена на Русија (основна цел на Британската геополитика) , во војна со Сирија итн… Впрочем, историскиот миг во кој живееме е опасен , но опасен е бидејќи ние сме на работ на една нова историска ера , раѓање на еден нов, поправеден систем на меѓународни односи и економски напредок“, вели уште Паскали.

„Ова е посебно вистинито за Балканот. Сега вие почнувате да го доживувате обратното“, рече мберто Паскали за Програмата „Гласот на народот/крај/мф/ст

Извор: Макфакс