Црна хроника
Засилени акциски контроли на полицијата во повеќе градови во Македонија

Во текот на викандот полицијата спровела засилени акоциски контроли во повеќе градови во Македонија, соопштија од МВР.
При извршената контрола на СВР Штип, кај 18 возачи било утврдено присуство на алкохол, соопштија од полицијата. Оттаму додаваат дека возачите се исклучени од сообраќај, привремено им се одземени возачките дозволи и издадени им се мандатни платни налози. Од СВР Штип додаваат и дека биле откриени и 20 други прекршоци и дека тие се санкционирани.
Засилена акциска контрола за санкционирање управување возило под дејство на алкохол била спроведена и на подрачјето на Тетово и Гостивар. За време на контролата, како што соопштија од СВР Тетово и Гостивар, опфатени биле 104 возачи, 70 во Тетово и 34 во Гевгелија.
На девет од нив, или 7 од Тетово и двајца од Гостивар, им било утврдено дека ги управувале возилата под дејство на алкохол и веднаш им биле изготвени мандатни платни налози. Во акциската контрола исто така откриени се и други 19 прекршоци, најмногу управување без возачка дозвола, истечена регистрација, соопштија од полицијата и додадоа дека и овие прекршоци биле санкционирани, односно заокружени се со законски предвидените поднесоци.
Во текот на изминатот викенд зајакнати акциски контроли во сообраќајот биле извршени и на подрачјето на СВР Охрид.
Притоа, како што соопштија оттаму, полициските службеници контролирале 179 возила. Кај 10 возачи на моторни возила било констатирано присуство на алкохол во крвта. Полициските службеници евидентирале 10 случаи на пречекорување на брзината на движење во населено место. По овие, но и по други одредби од Законот за безбедност во сообраќајот на патиштата, полициските службеници издале 20 мандатни платни налози, како и 13 барања за поведување прекршочна постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.