Спорт
Манчестер сити се мал клуб кој имаше среќа да биде купен од милијардери
Како што се разгорува битката за титулата во Премиер лигата, така се нижат „ниските удари“. Легендата на Ливерпул, Џон Олдриџ воопшто не е импресиониран од актуелните англиски шампиони Манчестер сити оценувајќи ги како „мал клуб“ кој никогаш нема да може да се споредува со Ливерпул или Манчестер јунајтед.
„Граѓаните“ во својата неодамнешна историја дури имаа испаѓање во третата лига, пред купувањето на клубот од Шеик Мансур во 2009 година да направи пресврт и оттогаш клубот да освои три титули во Премиер лигата, три во Лига купот и една од ФА купот.
Според Олдриџ, успехот е импресивен, но всушност тимот имал среќа со тоа што добил милијардери за сопственици и никогаш нема да ја носи славата на Ливерпул и Манчестер сити.
„Реалноста е дека очекувањата во Ливерпул секогаш ќе бидат различни од очекувањата во Манчестер сити. Тоа е предност за Сити и секогаш ќе биде тема – еден од најголемите тимови во историјата се бори против мал тим кој во основа имаше среќа и си најде богат инвеститор. Ги почитувам навивачите на Сити, и сфаќам зошто се навредени кога ќе им се каже дека се мал клуб, но сите надвор од нивниот круг ги гледаат така и покрај овие трофеи. Секогаш ќе бидат мал клуб покрај соседите Манчестер јунајтед и покрај Ливерпул, бидејќи тоа се тимови со децении успех кој им дозволи да станат спортски гиганти на светска сцена. Децата во Кина ги гледаат мечевите на Ливерпул и се нервираат. Кафеаните во Америка се полни со фанови во црвено кои гледаат ТВ, додека Сити си работат без некој да ги забележи“, вели Олдриџ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
На инсистирање на Инзаги, Интер „заклучи“ важен играч
Холандскиот репрезентативец Дензел Дамфрис договори продолжување на соработката со Интер.
Десниот бек, кој веќе три години настапува за актуелниот шампион на Италија, потпиша договор до јуни 2028 година.
Тренерот Симоне Инзаги инсистираше да остане во клубот.
Тој смета дека е исклучително важен за играта на тимот во двата правци и е еден од најсигурните играчи на „нероазура“ во системот 3-5-2 на десната бековска позиција.
Дамфрис дојде во Интер пред три години од ПСВ.
Спорт
Меси го носи својот човек на клупата на Интер
Интер Мајами нема тренер по неодамнешното заминување на Џерард Мартин од клупата на американскиот МЛС-лигаш, а негов наследник ќе биде, изненадени сте, Аргентинец.
Италијанскиот новинар Фабрицио Романо објави дека ќе седне поранешниот репрезентативец на „гаучосите“, Хавиер Маскерано, кој нема тренерско искуство во сениорскиот фудбал, но има многу поважна препорака – тој е голем пријател со Лионел Меси, најголемата ѕвезда на клубот од Мајами.
40-годишниот Маскерано е селектор на селекцијата на Аргентина до 20 години од 2021 година, а оваа година ја предводеше олимписката селекција до четвртфиналето. Во таа фаза од натпреварувањето Франција ги совлада јужноамериканците со 1:0.
Поранешниот фудбалер на Ривер Плата, Коринтијанс, Вест Хем, Ливерпул, Барселона, Хебеи и Естудијантес беше репрезентативец од 2003 до 2018 година, со која, меѓу другото, беше и двократен олимписки победник ( 2004 и 2008 година) и вицешампион на светот во 2014 година.
Дресот на Интер Мајами од поранешните фудбалери на Барселона го носат и Серхио Бускетс, Луис Суарез и Ѓорди Алба.
Интересно е што Маскерано ќе биде третиот аргентински тренер во кратката историја на клубот. Уругваецот Диего Алонсо ја имаше честа да биде првиот стратег на Интер во историјата и остана на Флорида од 2019 до 2021 година, потоа тимот го предводеа Фил Невил (20021-23), па Аргентинците Хавиер Моралес (привремено) и Херардо Мартино.
Интер Мајами беше прв во Источната конференција оваа сезона, но беше елиминиран веќе во првото коло од плеј-офот од Атланта.
Спорт
Осуден Конор Мекгрегор
Поранешниот шампион на УФЦ, Конор Мекгрегор, беше прогласен за одговорен за сексуален напад на жена во хотел во Даблин во 2018 година и ќе мора да плати отштета од 150.000 фунти.
Случајот, кој беше процесуиран пред граѓанскиот суд, се однесува на тврдењата на Никита Хенд дека Мекгрегор сексуално ја нападнал во пентхаусот на хотелот „Бикон“ во јужен Даблин во декември 2018 година. Мекгрегор за време на судењето тврдеше дека врската била консензуална.
Во тужбата се вклучи и Џејмс Лоренс, кој беше ослободен во оваа постапка.
Судењето траеше осум дена, при што беа изведувани докази, додека завршните зборови траеја три дена. Поротата, составена од осум жени, донесе пресуда во која Мекгрегор беше прогласен за одговорен.
На изрекувањето на пресудата во петокот, тој се појави во судницата придружуван од неговото семејство – партнерот Ди Девлин, родителите, сестрата и деверот.