Свет
За шведската министерка за надворешни работи, брегзит е ужасна грешка
Шведската шефица на дипломатија, Марго Валстром, во вторникот ги искритикува политичките лидери на Велика Британија поради лошо раководење со претстојното заминување на Велика Британија од ЕУ, пренесува „Локал“.
Говорејќи на конференцијата во Шведско-финскиот културен центар во Хелсинки, Валстром ги обвини британските лидери дека лошо управуваат со процесот на брегзит.
„Мислам дека направија страпна историска грешка и навистина создадоа проблем за сите нас. Нашиот политички проект, Европската Унија, неизмерно ќе страда поради тоа и тоа мора да се сфати. Ова се случува поради долгото лошо политичко лидерство во Велика Британија што го видов во сите мои години во Европската комисија. Немаше никој кој би го бранел членството на Британија во ЕУ “, рече Волстром.
Волстром, која беше во Европската комисија во периодот од 1999 до 2010 година, јасно стави до знаење дека лутината ќе остане кога Велика Британија официјално ќе ја напушти ЕУ на 29 март.
„Не можам да им простам за ова”, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.