Свет
Италија не го признава Гуаидо како привремен претседател на Венецуела
Италијанскиот заменик-министер за надворешни работи, Манлио ди Стефано, изјави дека Италија не го призна лидерот на венецуелската опозиција и шеф на Националното собрание, Хуан Гуаидо, како привремен претседател на земјата во услови на ескалација на политичката криза во земјата.
„Италија не го признава Гуаидо бидејќи апсолутно се спротивставуваме на фактот дека една земја или група од трети земји може да ги одредуваат внатрешните политики на друга земја. Ова се нарекува принцип на немешање и е признат од страна ОН” изјави Ди Стефано за телевизијата Tv2000 во четвртокот.
Ди Стефано, исто така, ја нагласи дека е важно во Венецуела да се избегне избување воен конфликт, сличен на војната во Либија.
Во меѓувреме, другиот заменик-министер за надворешни работи на Италија, Гуљелмо Пики, напиша на Твитер во четвртокот дека неговата партија верува оти претседателството на Мадуро е при крај крај, повикувајќи на нови избори во Венецуела со учество на независни набљудувачи.
Италијанскиот министер за надворешни работи, Енцо Моаверо Миланези, во средата рече дека неговата земја го дели ставот на Европската Унија за венецуелската криза, повикувајќи на слободни и транспарентни претседателски избори во земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.