Израел соопшти во неделата навечер дека се надева оти САД ќе ставата вето на каков и да е потег на Обединетите нации кој би се однесувал на носење рок за израелското повлекување од териториите на коишто Палестинците сакаат да ја формираат својата држава, а кои меѓународната заедница ги смета за окупирани по војната од 1967 година, меѓутоа неименуван висок американски функционер изјави дека за тоа е прерано да се зборува.
 

Израел соопшти во неделата навечер дека се надева оти САД ќе ставата вето на каков и да е потег на Обединетите нации кој би се однесувал на носење рок за израелското повлекување од териториите на коишто Палестинците сакаат да ја формираат својата држава, а кои меѓународната заедница ги смета за окупирани по војната од 1967 година, меѓутоа неименуван висок американски функционер изјави дека за тоа е прерано да се зборува.

Американскиот државен секретар Џон Кери во понеделник во Рим ќе се сретне со израелскиот премиер Бенјамин Нетанхају и ќе разговара за разните предлози коишто се однесуваат на палестинската држава. Потоа, Кери ќе замине за Париз каде што на истата тема ќе разговара со европските сојузници на САД, а потоа во Лондон ќе се сретне со главниот палестински преговарач Саеб Ерекат и со членовите на делегацијата на Арапската лига кои ќе го повикаат Вашингтон да не го користи правото на вето со коешто располага како постојана членка на Советот за безбедност на ОН, за да ги блокира предлозите за резолуцијата во врска со независна држава Палестина.

Палестинците имаат намера да ја прогласат својата држава која ќе опфаќа територии на окупираниот Западен брег (од реката Јордан), во енклавата Газа, а главен град да биде источен Ерусалим.

Организираните состаноци во многу кус временски период, според Reuters, укажуваат на итноста во американските настојувања од членките на Советот за безбедност на ОН да добијат нацрт на нов предлог пред одржувањето на предвремените парламентарни избори во Израел во март. Државниот секретар Кери во петокот изјави дека сака да ги ублажи напнатостите во текот на преговорите.

Нацрт резолуцијата за палестинската држава во којашто се бара до ноември 2016 година Израел „во целост да се повлече од областите окупирани во 1967 година“, неофицијални циркулира меѓу 15-те постојани и непостојани земји членки на Советот за безбедност на ОН на иницијатива на Јордан.

Франција, Велика Британија и Германија дискутираат за друг предлог, меѓутоа висока американски функционер за Reuters тврди дека меѓу претставниците на спомнатите земји нема консензус, како и дека од САД не е побарано да заземе став по тоа прашање. Париз веќе неколку седмици води консултации со Лондон и Берлин, како и со Вашингтон и со Аман, за да се договори компромисна верзија и можеби да се одреди рок за завршување на преговорите.

Компромисниот предлог би повикал на брзо продолжување на изралеско-палестинските мировни преговори, замрзнати од пролетва, врз основа на низа основни начела, како што е мирната кохабитација меѓу Израел и палестинската држава. Во втората фаза, според планот на Париз, се предвидува меѓународна конференција на којашто би била договорена рамката и би се поддржале тие преговори, со учество на арапските земји.

Западен дипломат за агенцијата вели дека Европејците се залагаа за резолуција којашто ќе биде донесена со консензус, со што би се овозможило носење на обрзувачки и неодреден временски рок, и тврди дека му се чини дека Американците во овој момент не се расположени за таквата можност. „Во овој момент постои можност, како и желбата на Европејците да се разгледаат опциите во Советот за безбедност“, изјави неименуван висок дипломат.

Меѓутоа, висок функционер на американскиот Стејт департмент тврди дека Вашингтон се’ уште не донел одлука за тоа дали резолуцијата на Советот за безбедност на ОН е вистинскиот начин за решавање на проблемот. „Во овој момент од нас не се бара да заземеме став во врска со одредена резолуција во Советот за безбедност. Би било прерано да се расправа за документи коишто во овој момент имаат неизвесен статус“, рекол./крај/мф/сн

Извор: Макфакс