Свет
Азија со милијарда огномети ја дочека годината на свињата
Азија ја дочека лунарната година на свињата со посети на храмовите, семејни банкети и најголемото патување во светот. Прославите се одржаа низ целиот регион, од Пекинг и Сеул до Ханој и Сингапур.
Улиците во Пекинг и другите големи кинески градови беа тивки и празни откако милиони луѓе заминаа за да ги посетат своите роднини или да патуваат во странство за време на најголемиот годишен одмор на семејството.
Семејствата се собраа дома на повеќегенерациски банкети. Компаниите, продавниците и владините канцеларии се затворени за официјални празници, кои траат од два дена во Јужна Кореја до една недела во Кина. Кинеското Министерство за железници предвидува дека патниците на копно ќе остварат 413 милиони патувања во тринеделниот период околу празниците.
Верниците со часови стоеја во ред во хонгконшкиот храм Вонг Таи Син за да ја пречекаат новата година со осветување со темјан.
Лана Вонг, истакната актерка од Хонгконг, носеше костим на свиња за настанот.
„Мојата прва желба е за светски мир”, рече Вонг. „Секој има храна за јадење, вработување и куќи за живеење. Старите лица исто така се надеваат дека владата подобро ќе се грижи за нив”.
Во Пекинг изведувачите во традиционални носии на династијата Кинг на изгрејсонце изведуваа жртвен обред во храмскиот парк на кинескиот главен град .
Исто така настапија и акробати и тапанари. Продавачите продаваа играчки со британскиот цртан лик Пепа Пиг, кој ужива голема популарност за годината на свињата.
Кинезите ја прославија новата година со милијарда огномети. Во вторникот, во експлозија во нелегална продавница за огномет во јужна Кина загинаа пет лица. Инспекторите велат дека била предизвикана од огнометот кој го започнал продавачот пред продавницата.
Во Бангкок луѓето палеаа мирисни стапчиња и гореа хартиени пари и други симболични понуди за починатите роднини, и покрај тоа што властите апелираа да не го прават тоа поради смогот.Во главниот град на Северна Кореја, Пјонгјанг, посетителите оставија букети цвеќе на статуите на поранешните лидери Ким Ил-сунг и неговиот син, Ким Џонг-ил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на Guitar Art денеска собра 1.000 гитаристи на Трг Република во Белград, кои поставија национален рекорд во присуство на инструменталисти кои свират на гитара и слични инструменти на едно место во Србија свирејќи во рокенрол прослава со познати музичари, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на Трг Република. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на Трг Република да уживаат во првокласен музички настан.
Свет
Сè уште се трага по хеликоптерот со кој леташе иранскиот претседател Раиси, објави ИРНА
Државната Иранска новинска агенција (ИРНА) објави дека во тек е опсежна операција за пребарување и спасување откако хеликоптерот со иранскиот претседател Ебрахим Раиси беше принуден да изврши „тешко слетување“ во планинскиот регион во северозападниот дел на Иран.
Инцидентот се случи денеска во шумата Дизмар помеѓу градовите Варзакан и Џолфа во иранската провинција Источен Азербејџан. Раиси се враќаше од Азербејџан, каде присуствуваше на отворање на брана со азербејџанскиот Илхам Алиев.
Неименуван ирански претставник за западните медиуми изјави дека хеликоптерот со кој се превезуваа иранскиот претседател Ебрахим Раиси и министерот за надворешни работи Хосеин Амирабдулахиан се урна додека летал над планинска област во иранската провинција Источен Азербејџан.
Тој истакна дека „животите на Раиси и Амирабдолахиан „се загрозени по хеликоптерската несреќа“.
„Сè уште се надеваме, но информациите кои ни доаѓаат од местото на несреќата се многу загрижувачки“, наведе неименуваниот ирански претставник.
Како што јави ИРНА, повеќе од дваесет целосно опремени тимови за пребарување и спасување, вклучително беспилотни летала и кучиња трагачи, се испратени во областа. Иранските вооружени сили распоредија командоси и специјални сили за да помогнат во операцијата за пребарување.
Поради нерамниот терен на регионот и тешките временски услови, особено густата магла во областа, операцијата за пребарување и спасување би можела да потрае некое време.
Портпаролот на Иранската служба за итни случаи изјави дека осум амбулантни возила се испратени во регионот.