Европа
Евтин руски дуќан во Германија затворен по 5 дена – производите експресно распродадени
„Торгсервис“, првиот руски синџир за трговија на западноевропскиот пазар, ја затвори својата продавница „Мере“ во Лајпциг по само пет дена.
Како што велат од таму, дуќанот е затворен само на два дена, а причината за тоа е дека продале сè.
„Торгсервис“ минатата среда ја отвори својата прва продавница во источниот дел на Германија. Нивниот главен адут се ниските цени – пониски и од оние во германските дисконти како што се „Лидл“ и „Алди“.
Како на пример, половина килограм мелено месо подготвено за печење во „Мере“ е само 99 центи, додека еден литар млеко чини 50 центи.
„Почитувани потрошувачи, поради високата побарувачка нашата продавница е затворена на 4 и 5 февруари. Реагиравме брзо, но утврдивме дека на нашите добавувачи им треба малку време да ги пополнат полиците. Со најниски цени за вас, повторно ќе бидеме отворени на 6 февруари во 9 часот“, се вели во пораката што ја добија клиентите на влезната врата на продавницата во Лајпциг.
Некои германски медиуми се сомневаат дека продавницата е затворена поради некои производи кои можеби не ги исполнуваат стандардите за квалитет на храна, пропишани со строгите европски закони. Од „Торгсервис“ велат дека сите производи ги исполнуваат ЕУ-стандардите и дека покрај Германија, доаѓаат од двете соседни држави – Полска и Чешка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.