Македонија
(Видео) Коневски: Мицкоски треба да си оди, ако не го обедини членството и ги изгуби изборите
Победата на претседателските избори зависи од тоа колку лидерот на ВМРО-ДПМНЕ, Христијан Мицкоски, ќе се заложи да го обедини членството, рече поранешниот градоначалник на општина Аеродром и член на ВМРО-ДПМНЕ, Ивица Коневски, во интервјуто за „Макфакс“. Коневски кажа дека е оптимист и дека ВМРО-ДПМНЕ има шанси за победа, но доколку ги изгуби изборите, одговорноста треба да ја понесе Мицкоски и да ја напушти функцијата и да се избере нов лидер, кој, според него, ќе ги соедини сите вмровски крила.
„Не сакам да размислувам за пораз. Има многу квалитетни луѓе кои со години се членови и е вложувано во нивниот развој, а не се дел од органите, како резултат на таа разединетост. Партијата има шанси, особено во овие околности кога имаме власт која не испорачува никакви резултати. Но, доколку изборниот резултат биде негативен, Мицкоски треба да го напушти лидерското место. Новиот лидер треба да се избере на демократски конгрес на кој, според мене, ќе има пријавено најмалку 5 кандидати. Така на членството ќе му се даде можност да ја даде довербата за најдобриот“, рече Коневски.
На прашањето дали постои можност за формирање нова партија со вмровски предзнак од страна на членовите кои се одметнати од ВМРО-ДПМНЕ, Коневски смета дека тоа би било лошо решение за партијата, особено пред изборите.
„Поделбите треба да се анулираат. Не би сакал да има поделба на партиското членство и формирање нова партија кое произлегува од ВМРО-ДПМНЕ. На спроти тоа, членството треба да биде заедно и како такво да победи на следните парламентарни избори“, смета Коневски.
Не сакаше да каже дали ќе го подржи Ѓорчев или Силјановска, односно не сака да фаворизира ниту еден кандидат за претседател, ќе го прифател изборот што ќе го подржи членството на конвенцијата на 16 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На свечена церемонија, утре Пендаровски ќе и’ ја предаде функцијата на Силјановска-Давкова
Во Кабинетот на претседателот, утре – 12 мај ќе се одржи официјална церемонија на примопредавање на функцијата Претседател со највисоки државни и воени почести.
По свечената церемонија новоизбраната претседателка Гордана Силјановска Давкова и претседателот Стево Пендаровски предвидено е да остварат тет-а-тет средба.
Државната изборна комисија денеска и’ го издаде уверението за избран претседател на Гордана Силјановска-Давкова. ДИК ќе треба да достави извештајот до Собранието за да биде закажана седница за утрешната инаугурација на Силјановска Давкова. Потоа таа пред пратениците ќе треба да даде свечена изјава по која ќе почне нејзиниот мандат.
Мандатот на Пендаровски истекува утре.
Македонија
Aхмети тврди дека со челниците на „Вреди“ во јануари потпишале декларација дека ќе владеат само со партии што поддржуваат уставни измени
ДУИ тврди дека и првите луѓе на коалицијата „Вреди“ (Влен), со кои ВМРО-ДПМНЕ договара коалицирање во новата Влада, се потписници на декларација во која уверуваат дека ќе владеат заедно само со оние политички партии кои се согласуваат да ги поддржат уставните измени.
Лидерот на ДУИ, Али Ахмети на денешниот собир на претставниците и членството на коалицијата рече дека декларацијата била потпишана во јануари годинава.
Во неа, се наведува дека почетокот на преговорите со Европската Унија (ЕУ) носи стратешки и значајни придобивки за нашата земја, а потписниците со обединет глас се придружуваат да одговорат на итната потреба за решавање и стабилност во земјата.
„За овие цели ние како политички партии изјавуваме: ‘Ние, долупотпишаните политички партии, имајќи ја предвид состобата во која се наоѓа државата и должноста што jа имаме кон граѓаните, чувствуваме обврска да изјавиме дека сме целосно решени, сега и во иднина да соработуваме и да владееме заедно само со оние политички партии кои се согласуваат да ги поддржат уставните измени како услов за продолжуванье на процесот на интеграција на земјата во ЕУ. Потписи на партиски претставници (наредени по азбучен ред): Арбен Таравари, Африм Гаши, Али Ахмети, Билал Касами и Изет Меџити“, стои во документот што го прочита Ахмети.
Претпладнево се случи првата рунда на преговори помеѓу ВМРО-ДПМНЕ и Влен, по којашто партиите соопштија дека ги договориле општите начела за идната Влада, која ќе се базира на три постулати: евроинтеграции, забрзан економски развој, борба против криминалот и корупцијата и владеење на правото.
Од тука додадоа дека двете страни ќе формираат работни групи, на кое ниво ќе продолжат разговорите за коалицирање.
Во изборната кампања, ВМРО-ДПМНЕ и „Вреди“ излегоа со различни ставови за уставните измени, но во повеќе наврати беше потенцирано дека разговорите на таа тема ќе бидат ставени на маса по завршувањето на изборите.
Македонија
„Договорени се општите начела за идната Влада“ – заврши средбата на ВМРО-ДПМНЕ со Влен
Денеска беше остварена средба помеѓу ВМРО-ДПМНЕ и ВЛЕН. Од страна на ВМРО-ДПМНЕ беа присутни претседателот Христијан Мицкоски, потпретседателите Александар Николоски, Владо Мисајловски, Тимчо Муцунски и Гордана Кочоска Димитриеска, како и шефот на кабинет на претседателот Владимир Нелоски, од страна не ВЛЕН беа присутни Арбен Таравари, Изет Меџити, Биљал Касами и Африм Гаши.
„Договорени се општите начела на соработка за идната влада, која ќе се базира на три постулати: евроинтеграции, забрзан економски развој, борба против криминалот и корупцијата и владеење на правото“, објави ВМРО-ДПМНЕ по средбата.
Заклучено е дека двете страни ќе формираат работни групи, на кое ниво ќе продолжат разговорите до нивно финализирање.