Европа
Јункер ѝ порача на Меј: Нема да преговараме повторно
Претседателот на Европската комисија, Жан-Клод Јункер, на британската премиерка, Тереза Меј, во тек на робусни и конструктивни разговори, што денеска ги воделе во Брисел ѝ порачал дека Европската Унија нема повторно да преговара со Лондон во врска со договорот за брегзит, објави агенцијата „Ројтерс“.
„Разговорите се одржаа во духот на заедничките напори за постигнување на уредно повлекување на Велика Британија од ЕУ“, изјави портпаролот на Јункер, Маргаритис Шинас, на прес-конференција.
Тој додал дека европскиот блок е подготвен повеќе да работи на декларацијата која треба да ги уреди новите односи меѓи ЕУ и Велика Британија по брегзит.
„Ројтерс“ пренесува оти Јункер рекол дека Меј претставила различни опции за да одговори на загриженоста изразена во британскиот парламент во врска со бекстопот на ирската граница.
Бекстоп е дизајниран да ја задржи отворена границата на островот во случај Велика Британија да ја напушти ЕУ без договор. Станува збор за еден вид на безбедносната мрежа со која се гарантира дека нема да има тврди граници меѓу двете Ирски, дури и ако Велика Британија ја напушти ЕУ без договор.
Јункер и Меј, исто така, се согласиле нивните тимови да соработуваат за да одредат дали може да се најде патот за понатаму.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.