Регион
Невозможната мисија на лекарот што ја спаси раката на Деа Ѓурѓевиќ
Водителката на „Утринската програма” на „Пинк” Деа Ѓурѓевиќ вчера изутрина имаше сообраќајна несреќа на Дедиње, при што во неа удри автобус и ѝ ја откина раката. Следуваше повеќечасовна операција, а Деа сето тоа го поднесе многу храбро. Раката ѝ ја соши тим од лекари на ВМА.
Професор д-р Марко Бумбаширевиќ се појави во Утринска програма на Прва, каде што зборуваше за состојбата на водителката.
„Таа се чувствува добро и е во ред. Раката изгледа добро. Добив филм од колегите од ВМА. Сигурен сум дека сè ќе биде добро. Ова беше невозможна мисија бидејќи станува збор за откината рака и се чинеше невозможно да се сошие. Сакам да ја пофалам Деа. Таа е храбар пациент и ги има сите пофалби. Кај таквите пациенти невозможното се претвора во можно. Се надевам дека функцијата на раката ќе биде добра“, ѝ кажа д-р Бумбаширевиќ на водителката Јована Јоксимовиќ.
„Ништо не може да ги замени рацете, тие се незаменливи. Ова е многу важно, особено за млад човек“, додаде лекарот.
На прашањето како изгледаше тоа утро кога се случи сообраќајна несреќа и како е спасена раката, д-р Бумбаширевиќ одговори дека е важно што сè беше добро подготвено.
„Златното правило е ‘животот пред екстремитетите’. Многу е важно да се спаси животот бидејќи тој е најважен. Сè беше направено и подготвено добро. Раката беше поставена на мраз, на плус четири степени, за да не замрзне. Изгледаше невозможно бидејќи тоа беше дефект на крвните садови, сè мораше да се реконструира. Мислам дека ќе помине добро”, рече лекарот.
Тој исто така кажа дека во Србија има многу успешни лекари и дека таквите тешки операциони зафати не се новост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.