Свет
Десет држави во светот што нема да постојат за 100 години
Во текот на историјата паѓале многубројни царства и држави, исчезнувале нации или се трансформирале, а тој процес сè уште не е готов. Политички аналитичари објаснуваат дека поимот нација, односно држава, не е траен, а секако ниту вечен.
Иако државите најчесто исчезнувале, така што биле освојувани и поделени меѓу нивните непријатели, се чини дека земјите во иднина ќе имаат проблеми порано од другите, кои ќе ги раздвојат, односно уништат.
Од закани што ги подигнаа морските нивоа до културни и етнички поделби внатре во самото општество, прашање е дали овие 10 држави ќе преживеат во сегашните изданија во наредните 100 години.
Холандија
Ефектите од климатските промени предизвикани од глобалното затоплување дејствуваат разорно на тропските острови, но тешко е да се замисли дека тие може да им нанесат штета на европските држави. Токму поради овие факти, глобалното затоплување е прашање на опстанок за Холандија, која со години се бори со растечкото ниво на морето.
Северна Кореја
Со оглед дека оваа земја се наоѓа под диктатура на династијата Ким од 40-тите години, се чини дека е само прашање на време кога незадоволството внатре во општеството ќе кулминира и експлодира.
Белгија
Иако оваа држава е дом на Европската Унија, самата Белгија нема да биде обединета за 100 години. Таа е поделена во судирите поради поделбата по етничко прашање на Фламанците и Валонците. Поради расетчката напнатост, голем број аналитичари предвидуваат дека до поделба на земјата ќе дојде во следните 20 години.
Малдиви
Оваа островска нација лоцирана меѓу Индија и Африка се соочува со сериозна опасност од потонување. Заканата стана толку голема што експретседателот на државата разгледуваше опција за купување земја во Јужна Азија, каде што би го преселил целото население ако продолжи да расте нивото на морето. Според прогнозите, Малдиви е првата земја што ќе исчезне поради глобалното затоплување, што би можело да се случи во 2085 година.
Обединето Кралство
Со оглед дека се работи за унија на разни држави, во кои постои силна волја за независност, можен е распад во оваа светска сила. Шкотска имала неуспешен проект за независност во 2014 година. Кога Велика Британија минатата година одлучи да излезе од Унијата, тој чекор не беше прифатен од сите држави. Поради тоа, се верува дека некои држави ќе излезат од Обединетото Кралство, што би се случило во наредните 20 години.
Ирак
Во воена состојна од 2011 година, оваа држава е вистински пример за секојдневно распаѓање. По егзекуцијата на Садам Хусеин, кој ја држеше земјата обединета, населението денеска е жестоко поделено. Ирак е поделен на сунити, Курди и на шиити.
Кирибати
Оваа островска држава, која се наоѓа во централниот дел на Тихиот Океан, до 1979 година била британска колонија, а ја сочинуваат три сосема одделни островски групи растурени на голем простор на Тихиот Океан – Гилберт, Феникс и Лине. Претседателот на државата бараше помош од Нов Зеланд и од Фиџи да почнат со прифаќање луѓе од Карибати како постојани бегалци.
Шпанија
Кога ја погоди економска криза во 2008 година, Шпанија направи толку штети што ја доведе земјата до самиот раб на распад, а сè уште не закрепнала од тоа. Каталонија планира да стекне независност со голема поддршка во јавноста. Во северниот дел од земјата е баскискиот регион со своите терористички ќелии.
САД
Американското население е поделено со длабоки културни разлики и политички ставови меѓу северот и југот, уште од Граѓанската војна. Во 2012 година сите 50 држави добија илјадници писма од своите граѓани кои бараат изземање од унијата. Ако не се случи нешто што ќе ја обедини земјата, големи се шансите САД да се променат, а најверојатно Алјаска и Тексас први ќе се одвојат.
Кина
Иако Кина има најголема економија во светот и силна војска, тоа не значи дека е заштитена од колапс во следните 100 години. Има и огромен проблем со еколошко загадување. Се предвидува дека земјата може да остане без вода за пиење до 2030 година. Се верува дека земјата во овој облик не би издржала до 2050 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.