Спорт
ВАР-победа за Реал во Амстердам, Тотенхем ја „поништи“ Борусија (видео)
Пресметката на двата повеќекратни европски шампиони, Ајакс и Реал Мадрид на „Јохан Кројф арената“ нема да се памети многу по резултатот (1:2 за Реал), колку по контроверзите кои ги предивика ВАР-системот и судијата Дамир Скомина во втората вечер од воведувањето на оваа технологија во ЛШ.
Во другиот вечерашен меч, Тотенхем успеа со 3:0 да ги „уништи“ лидерите во Бундеслигата, Борусија Дортмунд благодарение на три гола во второто полувреме.
„Копјаниците“ го стартуваа мечот одлично, нижејќи шанси пред голот на Тибо Куртоа и во првите 13 минути имаа над 60 отсто од поседот на топката, а во 27. минута Душан Тадиќ ја погоди пречката. Реал ја врати рамнотежата во вториот дел од полувремето, кога Бејл имаше две изгледни шанси, пред да дојде најконтроверзниот момент во мечот.
Во 37. минута, по една лоша одбрана на Куртоа, Таљафико со глава ја погоди мрежата на гостите, но словенечкиот судија Дамир Скомина реши да го искористи ВАР системот. По безброј прегледувања на видеото, Скомина реши дека Тадиќ го „попречувал“ голманот и го поништи голот – прв поништен во историјата на Лигата на шампионите со ВАР технологијата.
Секако, теориите на заговор можат да почнат, бидејќи УЕФА реши да го именува Скомина за главен судија на мечот само пред два дена откако претходно беше поставен Полјакот Шимон Марчинијак.

Во второто полувреме, „кралевите“ ја преземаа иницијативата и во 60. минута, по одличниот пробив на Винисус, тој го пронајде Карим Бензема, кој ја продолжи одличната гол-серија и не му даде шанса на голманот Онана.
Темпото на Ајакс падна по примениот гол, но се понадеваа дека можат да стигнат до (барем) заслужено реми кога Хаким Зијеч доби одлична топка од Нерес во 75. минута. Судијата Скомина повторно покажува дека ќе ја разгледува ситуацијата на ВАР, но не го прави тоа. Сепак, „кралевите“ во Шпанија се враќаат со победа, откако Марко Асенсио
Ајакс ги имаа загубено последните шест натпревари во европските натпреварувања против Мадрид со неверојатна гол-разлика од 2:20, а последната победа над шпанскиот клуб ја имаа во ноември 1995 кога со 2:0 ги победија во групи со головите на Јари Литманен и Патрик Клајверт на „Сантијаго Бернабеу“.

Во сенка на дуелот на поранешните европски шампиони, Тотенхем на „Вембли“ успеа да направи предност од 3:0 против Борусија Дортмунд и да патува во Германија со надеж дека четврт-финалето е на дофат.
Хеунг-Мин Сон, Јан Фертонген и Фернандо Љоренте стрелаа за Спарси, за кои ова е една од најимпресивните победи во Лигата на шампионите.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) „Црните мачки“ го запреа Арсенал
Сандерленд дефинитивно се хит во Премиер лигата на Англија. Вечерва „црните мачки“ ја прекинаа серијата од десет победи во која се наоѓаа фудбалерите на Арсенал.
Во спектакуларен меч на „Стадионот на светслината“, Сандерленд против лидерот одигра 2:2.
Гостите, лидерите на табелата, беа на прагот на победа што ќе ги однесеше на +9 во однос на конкурентите. Им се стемни кога во последната минута од судиското продолжение со акробатски потег гол постигна, Брајан Броби.
Тоа беше првиот гол на Холанѓанецот оваа сезона.
Претходно Балард, фудбалер кој потекнува од академијата на Арсенал, му донесе предност на Сандерленд. Изедначи Сака, а пресврт направи Тросар.
Спорт
Гризман постигна гол 28 секунди откако влезе во игра и реши Леванте
Атлетико Мадрид ја забележа својата четврта последователна, а вкупно шеста победа во последните седум натпревари во Ла Лига.
Во натпреварот од 12-то коло, „јорганџиите“ го победија Леванте со 3:1 на својот стадион.
Антоан Гризман, кој беше двоен стрелец за домашниот тим, постигна гол во 61-та и 80-та минута. Французинот постигна три гола во последните две кола.
Она што ќе се памети од овој натпревар е еден од најбрзите голови постигнати од клупата во историјата на шпанската лига.
Гризман ја затресе мрежата само 28 секунди откако влезе на теренот наместо Бариос. Ова е најбрзиот гол на резервен играч во последните десет години, кога станува збор за Ла Лига.
Спорт
Норис на пол-позцијата во Бразил, ужасни квалификации за Ферстапен
Актуелниот шампион Макс Ферстапен имаше очаен настап во квалификациите за Големата награда на Сао Паоло. Холанѓанецот испадна во првата квалификациска сесија, трката ќе ја започне од 16-та позиција. На пол позицијата е Ландо Норис, а до него во првиот ред е тинејџерот од Мерцедес, Андреа Кими Антонели.
Лошиот пласман на Ферстапен може да го отпише од шампионската трка. Со оглед на тоа што веќе е 39 поени зад лидерот Ландо Норис, сонот за одбрана на титулата полека станува токму тоа – сон. Последен пат вакви ужасни квалификации Макс имаше во 2021 година и Сочи.
Вториот ред на утрешната трка го комплетираа Шарл Леклер и Оскар Пјастри, а третиот Исак Хаџар и Џорџ Расел.
Траката за Големата награда на Бразил, утре ќе започне во 18 часот.

