Црна хроника
Гевгеличани криумчареле имигранти од Сирија
Регионалниот центар за гранични работи Север до ОЈО – за организиран криминал и корупција Скопје, поднесе кривична пријава против лицата А.Ш.(28), и Р.Б. (33) од Гевгелија поради постоење основано сомнение дека сториле кривично дело – „криумчарење на мигранти“.
Двајцата се приведени и изведени пред судија за претходна постапка и од негова страна изречена им е мерка притвор во времетраење од осум дена..
Имено, на 30 јануари околу 03.30 часот од страна на Единицата за борба против криминал во скопската населба Автокоманда биле сопрени три возила и тоа ПМВ марка „БМВ“ со гевгелиски регистарски таблички управувано од А.Ш., потоа ПМВ марка „пасат фолксваген“ со велешки регистарски таблички управувано од Р.Б. и ПМВ „опел омега“ исто така со гевгелиски регистарски таблички управувано од трето лице при што во возилата „пасат фолксваген“ и „опел омега“ биле пронајдени 10 лица илегални мигранти од Сирија. Од извршениот разговор со приведените лица А.Ш. и Р.Б. утврдено е дека претходниот ден, односно на 29 јануари од страна на друго лице телефонски било побарано од Р.Б. услуга, односно тој со возило да оди за Скопје да однесе некои лица кои биле со валидни патни исправи и дека за таа работа ќе му бидат исплатени пари за бензин.
По разговорот Р.Б. веднаш се упатил на местото каде биле договорени односно кај училиштето во с.Богородица каде што тој земал 2 илјади денари и 20 евра. Лицата мигранти ги качиле во с.Богородица во двете посочени возила, а возилото „БМВ“ било претходница и истите се упатиле по автопатот Гевгелија – Скопје. Патувајќи кон Скопје требало да застанат во с.Катланово каде А.Ш. од двете возила во кои биле мигрантите земал 4 илјади евра.
Откако пристигнале во Скопје поточно во населба Автокоманда, А.Ш. и Р.Б. биле сопрени и приведени, додека третото лице кое управувало со „опел омега“ успеало да побегне во непознат правец оставајќи го возилото со лицата мигранти.
Илегалните мигранти по извршениот разговор се сместени во Прифатен центар за странци заради нивно обезбедување во кривичната постапка. Интензивно се работи на утврдување на инволвираноста и на други лица во случајот и негово целосно документирање и расчистување./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.