Свет
(Видео) Мадуро ги прекина дипломатските односи со Колумбија: Додека тој танцува, демонстрантите војуваат

Претседателот на Венецуела, Николас Мадуро, денеска во Каракас најави дека ги прекинува дипломатските односи со Колумбија и најави протерување на колумбиски дипломати, откако оваа земја ги поддржа напорите на венецуелската опозиција за испорака на хуманитарна помош.
„Трпението е исцрпено. Јас веќе не може да толерирам колумбиската територија да се користи за напади против Венецуела. Од таа причина, решив да ги прекинам сите политички и дипломатски односи со фашистичката власт на Колумбија“, изјави Мадуро кој смета дека хуманитарната операција е изговор за американска воена интервенција во Венецуела и негово соборување од власт
Тој рече дека амбасадорот и дипломатскиот персонал на Колумбија имаат 24 часа да ја напуштат Венецуела, објави агенцијата „Ројтерс“.
Лидерот на опозицијата, Хуан Гваидо претходно денеска јавно се појави покрај колумбискиот претседател кој важи за отворен критичар на Мадуро.
Ситуацијата е особено драматична на границата меѓу Венецуела и Колумбија. Како што објави Би-би-си, повикувајќи се на локалните медиуми, едно лице загина, а неколкумина се повредени во судирите на демонстрантите со војската. Според информациите, загинало 26-годишно момче.
Нешто по 21 часот по наше време, „Ројтерс“ објави дека уште едно лице е убиено на границата. Исто така, пристигнаа и информации дека бил запален еден од камионите со хуманитарна помош.
Судирите меѓу локалните жители и безбедносните сили на границата меѓу Колумбија и Венецуела, избија додека противниците на претседателот Мадуро се подготвуваа за транспорт на стотици тони хуманитарна помош во земјата.
Помошта беше донирана на барање на опозицискиот лидер на Венецуела, Хуан Гваидо, кого повеќе земји го признаа како привремен претседател, при што Мадуро е под притисок да поднесе оставка.
Додека конфликтот се разгорува, Мадуро денеска танцуваше со неговата сопруга на провладин митинг во Каракас. Многу луѓе го критикуваа ваквиот негов потег на социјалните мрежи.
Maduro dances on national TV as national guards fire tear gas and plastic pellets at crowds trying to move humanitarian aid into the country along the Colombian border pic.twitter.com/4u4zEHDixi
— Patricia Laya (@PattyLaya) February 23, 2019
Гваидо претходно ја повика армијата да им дозволи на камионите да влезат во земјата, апелирајќи до војниците да застанат на страна на народот, јави Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Убиен е висок ирански воен функционер

Иранската државна телевизија IRINN објави дека генералот Мохамед Багери, началник на Генералштабот на иранските вооружени сили и највисок воен офицер во земјата, е убиен во израелски напад.
Багери е втората висока воена личност за која се знае дека е убиена во невидените израелски напади врз Иран преку ноќ.
Претходно, иранските државни медиуми објавија дека е убиен и генералот Хосеин Салами, командант на Иранската револуционерна гарда (IRGC).
Свет
Израел го погоди клучниот нуклеарен реактор во нападот врз Иран

Израел погоди клучен нуклеарен реактор во својот напад врз Иран. Меѓу нив е и нуклеарниот реактор Натанц, кој е клучен за нуклеарната програма на Иран.
Во раните утрински часови, според информациите од иранската државна телевизија, објавени од Ројтерс, се случила нова експлозија во нуклеарниот објект Натанц, околу 225 километри јужно од Техеран. Станува збор за еден од централните објекти за збогатување ураниум во Иран, чија важност за нуклеарната програма на земјата е повеќе пати потврдена и следена од Меѓународната агенција за атомска енергија (МААЕ).
МААЕ потврди дека објектот Натанц бил меѓу целите насочени од Израел во неговата последна воена операција и дека е во контакт со иранските власти за да се утврдат можните промени во нивоата на зрачење.
Комплексот Натанц, кој се наоѓа во централната покраина Исфахан, е еден од најважните објекти во нуклеарната програма на Иран. Таму се наоѓаат голем број центрифуги за збогатување на ураниум, вклучувајќи напредни модели што ги користи Иран за да постигне нивоа на чистота на ураниум до 60% – многу блиску до нивото потребно за производство на нуклеарно оружје. Поради оваа причина, Натанц со години е под строг надзор на инспекторите на МААЕ, но исто така е и постојана цел на израелски напади и саботажи.
Објектот е изграден и надграден под земја за да биде поотпорен на воздушни напади, но експлозиите потврдени утрово од ирански и израелски извори сугерираат дека бил погоден и покрај овие заштитни мерки.
Свет
Погледнете како изгледа воздушниот простор над Иран и Ирак во моментов

Авиокомпаниите рано утрово го евакуираа воздушниот простор над Израел, Иран и Ирак откако Израел започна напади врз цели во Иран, покажаа податоците на Flightradar24, додека превозниците брзаа да ги пренасочат и откажат летовите за да ги заштитат патниците и екипажот.
Ширењето на конфликтите низ целиот свет станува сè поголем товар за работењето и профитабилноста на авиокомпаниите, како и сè поголема безбедносна закана.
Flights clearing Iran and Iraq after airspace closures in both countries following strikes by Israel in Iran. pic.twitter.com/lefDHnAsoD
— Flightradar24 (@flightradar24) June 13, 2025
Израел соопшти дека ги таргетирал иранските нуклеарни постројки, фабриките за балистички ракети и воените команданти на почетокот на она што предупреди дека ќе биде долгорочна операција за спречување на Техеран да произведува атомско оружје.
Аеродромот Бен Гурион во Тел Авив беше затворен до понатамошно известување, а израелските единици за воздушна одбрана беа во состојба на висока готовност за можна одмазда од Иран. Израелскиот авиопревозник „Ел Ал ерлајнс“ соопшти дека ги прекинал летовите до и од Израел.
Иранскиот воздушен простор беше затворен до понатамошно известување, објавија иранските државни медиуми. Ирак го затвори својот воздушен простор и го прекина целиот сообраќај на своите аеродроми рано утрово, објавија ирачките државни медиуми.