Спорт
Гвардиола: Јохан Кројф ме научи како да победувам
Пеп Гвардиола вели дека уште ја има вербата во победа која му ја всадил легендарниот Јохан Кројф, најважниот човек во неговата кариера, и дека таа му помага со Манчестер сити да стигнат до три трофеи од неговото доаѓање во 2016 година.
Во недела, Гвардиола ќе може да дојде до четвртиот трофеј во ЕФЛ купот (Лига-купот) против Челси, а во игра е уште за три – Сити се во четврт-финалето на ФА купот, победија со 3:2 против Шалке во Германија во првиот меч од осминафиналето од Лигата на шампионите, а исто така се лидери во Премиер лигата (иако со натпревар повеќе).
„Научив премногу од него. Не само тактички, туку и во приодот кон фудбалот. Не само, јас туку и Барселона. Тој помогна да се врати победничкиот менталитет во Барселона со едноставна психологија: ’Верувајте дека сте добри и ќе бидете добри’. Тоа е најдобриот начин. Не можеш да победиш ако не веруваш самиот во себе“, вели Гвардиола.
Тој посочува дека и во Барселона се негува духот на холандската фудбалска легенда.
„Во фудбалската академија на Барселона те учат дека не е добро да губиш. Тоа го има на секоја тренинг-сесија, на секој пријателски натпревар и на секој официјален натпревар. Но, пред 10-20 години не беше така. Тимот беше силен, но не победуваше. Тогаш дојде еден Холанѓанец, кој не потсети што значи да се победува повторно и повторно. Никогаш не ја губи гладта за победа“, објаснува Гвардиола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.