Спорт
Мерцедес го „утнаа“ дизајнот, можна е целосна ревизија на предното крило? (галерија)
По првиот Формула 1 тест во 2019 во Барселона и генералниот заклучок дека Ферари го имаат најбрзиот болид, доаѓаат и шпекулации дека актуелните Ф1 шампиони Мерцедес се решиле за„преконзервативен“ дизајн на предното крило, поради што ја загубиле предноста.
Дизајнот на Мерцедес во основа е еволуција на минатогодишното предно крило, додека Ферари се решија за малку похрабар дизајн со заоблување на краевите во обид воздухот да се пренасочи од предните гуми.
Шефот на Мерцедес, Тото Волф во Барселона призна дека ако некој концепт функционира добро, тогаш е нормално и другите Ф1 тимови да го прифатат тоа.
„Со промените на правилата, морате да бидете отворени на идеи и на тоа што го завршиле другите. Ако нешто функционира подобро, тогаш секој тим ќе се обиде да направи нешто слично. Но, некои работи не се прават ден-за-ден. Ако зборувате за аеродинамичкиот концепт на болидот, не се работи за денови или недели, туку за повеќе месеци“, изјави Волф.
Германскиот „Аутобилд“ пак, тврди дека или Мерцедес имаат толку голема самодоверба, или зад кулисите веќе работат на редизајн на предното крило, кој не би бил достапен на стартот на сезоната, но секако би бил на болидот пред низата европски трки.
„Целосната конверзија ќе трае барем три месеци. ’Сребрената стрела’ изгледа многу нервозно на кривините и предвидувам дека не се толку брзи како во 2018 година, со можеби 2 секунди поспоро време по круг“, вели поранешниот технички директор на Џордан и аналитичар на „Аутоспорт“, Гери Андерсон.
ПРЕГЛЕД НА ДИЗАЈНИТЕ НА Ф1 ТИМОВИТЕ ВО СПОРЕДБА СО ФЕРАРИ
Ferrari v Mercedes
Ferrari v Red Bull
Ferrari v Renault
Ferrari v Haas
Ferrari v McLaren
Ferrari v Racing Point
Ferrari v Toro Rosso
Ferrari v Alfa Romeo
Ferrari v Williams
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Спортинг ја освои титулата во Португалија
Фудбалерите на Спортинг од Лисабон вторпат во последните три години ја освоија титулата во Португалија.
Екипата од Лисабон на две кола пред крајот на првенството има недостижни осум бода повеќе од Бенфика која во неделата вечерта беше поразена на гостувањето кај Фамаликао со 2:0.
Спортинг го одработи својот дел во саботата со победата од 3:0 против Портимоненсе, а Фамаликао потоа направи преостанатите две кола да бидат формалност во борбата за титулата.
Клубот од Лисабон го освои 20. шампионски пехар и се наоѓа на третото место на вечната листа зад Бенфика (38) и Порто (30).
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.