Свет
Трамп го најави ослободувањето на заложникот Дени Бурч од Јемен
Американскиот претседател Доналд Трамп во понеделникот го објави ослободувањето на Дени Бурч, американски државјанин кој е заложник во Јемен од 2017 година, пренесува „Еј-би-си њуз“. Американскиот заложник бил ослободен по дипломатски пат, без воена интервенција од страна на САД.
Трамп им се заблагодари на Обединетите Арапски Емирати за помошта во ослободувањето на Бурч и рече дека неговата администрација досега ја обезбедила слободата на 20 Американци кои биле заробени во различни земји.
Трамп во понеделникот ја пренесе добрата вест преку неговата омилена созијална мрежа Твитер велејќи: „Чест ми е да објавам дека Дени Бурч, државјанин на САД, кој е заложник во Јемен 18 месеци, е ослободен и повторно се сретнал со својата сопруга и децата. Ја ценам поддршката на Обединетите Арапски Емирати за враќањето на Дени дома“.
Бурч бил грабнат од својот автомобил од банда вооружени лица среде бел ден на улиците на главниот град Сана во Јемен во септември 2017 година. Бурч имал 63 години кога бил киднапиран и веќе неколку години живеел во Јемен работејќи како инженер за нафтената компанија „Јемени сејфер“. Тој во Јемен преминал во ислам и се оженил со Јеменка. Двојката има три деца.
Киднапирањето се случило во област под контрола на бунтовничките Хути, поддржани од Иран, кои ја протераа меѓународно признатата влада на Јемен од Сана. Хутите првично го осудија киднапирањето како криминален и кукавички чин и ветија дека ќе ги изведат сторителите пред лицето на правдата, но на крајот беше откриено дека тие го држат заложникот.
Бурч беше префрлен од Јемен во Оман во јануари 2018 година во придружба на висок претставник на Хутите кои го опишаа овој настан како “ослободување” на Бурч, но тој до денес не беше во можност да се врати кај своето семејство.
На брифингот во март 2018 година на CriticalThreats.org беше наведува дека официјалниот претставник на Хутите кој патувал во Оман со Бурч бил преговарачот Мохамед Али ал-Хути и беше посочено дека тајмингот на наводното “ослободување” на Бурч се совпаднало со обновените напори за преговори на Хутите.
Во тоа време, Белата куќа не го разјасни статусот на Бурч од јануари 2018 година ниту објави детали од преговорите што на крајот резултираа со негово ослободување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Предупредувања до жителите на Флорида: Бегајте или ќе умрете
Претседателот Џо Бајден ги предупреди жителите на Флорида да се евакуираат веднаш пред ураганот Милтон, ураган од четврта категорија, велејќи дека ситуацијата е „прашање на живот и смрт“.
Градоначалникот на Тампа ги предупреди жителите да „бегаат или ќе умрат“.
Timelapse flying by Hurricane Milton about 2 hours ago.
1/6400 sec exposure, 14mm, ISO 500, 0.5 sec interval, 30fps pic.twitter.com/p5wBlC95mx
— Matthew Dominick (@dominickmatthew) October 8, 2024
Милтон носи екстремно силни ветрови до 250 км/ч откако ќе помине по северниот раб на полуостровот Јукатан во Мексико.
Се прогнозира дека невремето со полна сила ќе ја погоди густо населената област, заливот Тампа денеска, помалку од две недели откако ураганот Хелен веќе ја опустоши државата. Жителите на Флорида добија совет да се подготват за најголемата евакуација во последните години.
Свет
Вонредна состојба во Еквадор поради нарко бандите: петмина загинати во нов вооружен напад
Пет лица се убиени вчера во Еквадор во нов вооружен напад во услови на вонредна состојба воведена поради зголеменото насилство од страна на бандите поврзани со шверц на дрога, соопшти полицијата.
„Полицијата пронашла четворица мртви и еден повреден, кој бил пренесен во болница, каде што починал поради сериозноста на повредите“, изјавила полицијата за Франс прес, прецизирајќи дека петмината мажи имаат прострелни рани.
Нападот се случил во градот Дуран, соседен пристанишен град Гвајакил и еден од центрите на насилство на бандите. Според полицијата, неколку лица во две возила излегле од автомобилот и отвориле оган.
Крајбрежната провинција Гвајас, каде што бандите за шверц на дрога водат немилосрдна војна, е една од шесте еквадорски провинции кои се во вонредна состојба од почетокот на јули по напливот на вооружени напади.
Свет
Авганистанец планирал терористички напад во САД на денот на изборите, имал посебна виза
27-годишен Авганистанец кој живее во Оклахома е уапсен под сомнение дека планирал терористички напад во име на Исламската држава на американска територија на денот на претседателските избори, 5 ноември, објавија американските правосудни власти.
Насир Ахмад Тавхеди го планирал нападот во име на Исламската држава, според обвинението. Инаку, тој живеел во Оклахома со сопругата и едногодишното дете откако влегол во САД во 2021 година со специјална имигрантска виза.
Тој беше корисник на специјална програма за имигрантска виза, која прима до 50 луѓе годишно, и е достапна за луѓе кои работеле со вооружените сили на САД или под раководство на шефот на мисијата како преведувачи во Ирак или Авганистан. .
Во обвинението не е наведено дали Тавхеди работел како преведувач во Авганистан. Според судските документи, американската федерална полиција со пристап до сметката на Гугл на Насир Ахмад Тавхеди забележала дека тој редовно се консултира со пропагандата на Исламската држава (ИД).
Тој бил во контакт преку пораки на Телеграма со лице идентификувано од федералната полиција како регрут на ИД. Со ова лице разговарал за неговите планови да набави оружје и да го врати своето семејство во Авганистан.
Тој беше уапсен во понеделникот со наводен соучесник, малолетниот брат на неговата сопруга, за време на таен состанок со федералните агенти за купување автомати и муниција, соопштија американските правосудни власти.
„Министерството за правда го попречи планот на обвинетиот да добие полуавтоматско оружје за да изврши насилен напад во име на ИСИС на американско тло на денот на изборите“, рече секретарот Мерик Гарланд во соопштението.
Тој е обвинет за обид да обезбеди материјална поддршка на ИСИС и набавка на огнено оружје за да изврши федерално злосторство или тероризам, по две точки кои носат максимална казна од 20 години и 15 години затвор, соопшти Министерството за правда.
Милитантната организација Исламска држава уби и егзекутира илјадници луѓе во име на своето екстремно религиозно толкување пред да биде територијално поразена во Ирак во 2017 година и Сирија во 2019 година.