Спорт
Бензема поразен, па ограбен

Карим Бензема и Реал Мадрид синоќа беа елиминирани од Барселона во полуфиналето на националниот Куп. Барселона победи во Мадрид со 3:0 и со вкупен резултат 4:1 се пласира во финалето.
Бензема, најдобриот стрелец на Реал, оваа сезона против Барса одигра коректен натпревар, имаше една голема шанса во првото полувреме при резултат 0:0, која не успеа да ја претвори во гол.
Францускиот ас, покрај поразот и елиминацијата од Купот, доживеал уште едно разочарување.
Според шпанските медиуми, додека тој го играл мечот против Барселона, крадци му го ограбиле домот. Не е познато колкава штета предизвикале крадците.
Нешто слично пред неколку недели му се случи на новиот играч на Барселона, Кевин Принс-Боатенг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал Мадрид ќе лета 12 часа за игра во Лигата на шампионите

Реал Мадрид, вечера ги дозна противниците со кои ќе се соочи во првата фаза во Лигата на шампионите.
Најтрофејниот клуб во Лигата на шампионите нема да има лесна задача, во првата фаза ќе се сретне со: Манчестер сити, Ливерпул, Јувентус, Бенфика, Олимпијакос, Каират, Монако и Марсеј.
Јасно е дека вистински блокбастери се соочувањата со Сити, Ливерпул, Јувентус па и Бенфика, но најтешко на Реал ќе му биде против Каират.
Дебитантот во Лигата на шампионите ќе му биде домаќин на Реал и токму поради тоа „кралскиот клуб“ го оечкува тешка задача.
Алмати се наоѓа на далечниот исток од Казахстан, веднаш до границата со Кина.
Патувањет, со авион ќе трае половина ден. Имено, помеѓу Мадрид и Алмати има 8.188 километри. Ако се патува со автомобил, потребни се 89 часа непрекинато возење.
Секако, Реал нема да оди со автомобил или автобус, туку со авион. Сепак, дури и тогаш ќлетот трае 12 часа.
Спорт
Гарначо го истера своето, се сели во Челзи

Манчестер јунајтед успеа да се ослободи од уште еден непожелен играч. По Маркус Рашфорд (замина на позајмица во Барселона), клубот го напушта и Алехандро Гарначо.
Младиот Аргентинец, кој не беше во добри односи со менаџерот Рубен Аморим, договорил седумгодишна соработка со Челзи, пишуваат британските медиуми.
Откако Аморим го информирал на крајот од претходната сезона дека не смета на него, Аргентинецот форсираше трансфер во Челзи, на крајот желбата му се исполни со продажбата на Кристофер Некунку во Милан и извесното заминување на Николас Џексон во Баерн Минхен.
Челзи за Аргентинецот роден во Мадрид ќе плати 46 милиони евра.
Тој ќе стане четвртата најголема продажба во историјата на Јунајтед, по Кристијано Роналдо, Ромелу Лукаку и Анхел Ди Марија.
Спорт
(Видео) Циципас се однесува како мало дете – Гркот го допре дното

Стефанос Циципас доживеа нов дебакл на теренот, доживеа елиминација во второто коло на Отвореното првенство на САД, но синоќа загуби многу повеќе. Го загуби идентитетот и угледот.
Гркот поктлекна пред Германецот Даниел Алтмаер, кој потсмешливо ги игнорираше жалбите на Циципас на интернет по натпреварот.
„Следниот пат немој да се изненадиш ако те погодам директно со топчето“,ги пренесе зборовите на Циципас „Punto de break“.
Фрустриран од себе и од другите, без идеја како да ја пронајде својата игра, уморен од опасениот пад – ваков е Циципас веќе некое време.
Но, она што го покажа на Отвореното првенство на САД отиде чекор понатаму.
Беше поразен од Алтмаер и се однесуваше како мало дете, прекорувајќи противникот за повремено изведување сервис под рака за време на натпреварот.
Во епска битка во пет сета против Алтмаер, тој беше елиминиран од Отвореното првенство на САД во 2025 година и ја покажа најлошата верзија од себе во однос на фер-плејот.
Конечниот резултат беше 7:6 (5), 1:6, 4:6, 6:3, 7:5 во корист на Алтмаер.
„Следниот пат немој да се изненадиш кога ќе те погодам во телото, во ред? Не, само велам – ако сервираш од рака…“ рече Циципас.
Гркот сезонава има 20 победи и 17 порази, а од турнирот во Барселона не успеа да врзе две последователни победи.
Daniel Altmaier prevails in a dramatic five sets over Stefanos Tsitsipas! pic.twitter.com/bMJXsLZXJQ
— US Open Tennis (@usopen) August 29, 2025