Свет
Северна Кореја негира дека побарала од САД целосно укинување на санкциите
Северна Кореја ги негира тврдењата на американскиот претседател Доналд Трамп дека Пјонгјанг побарал целосно укинување на санкциите поради што пропаднал самитот во Ханој, истакна севернокорејскиот министер за надворешни работи, Ри Џонг-хо, по состанокот меѓу Трамп и севернокорејскиот лидер Ким Џонг-ун.
Тој рекол дека побарале само делумно намалување на санкциите во замена за оневозможување на својот главен нуклеарен комплекс. САД цврсто стои на ставот дека тоа не било случај на самитот во Виетнам.
По пропаѓањето на состанокот, Трамп изјави дека Ким понудил уништување на целиот комплекс Џонгбјон, истражувачки и производствен капацитет во срцето на нуклеарната програма на Северна Кореја, што претставува значаен предлог. Но, како што нагласи американскиот претседател, Ким побарал за возврат укинување на сите санкции на што САД не се подготвени.
Според севернокорејскиот министер, неговата земја понудила реални предлози, вклучително и уништување на целосниот комплекс Џонгбјон, под надзор на експерти на САД.
„Ова беше предлог за најголемата мерка за денуклеаризација која би можеле да ја преземеме во овој момент на доверба што ја имаме со САД“, рекол Ри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Поплави и одрони во Босна и Херцеговина: Потрагата по исчезнатите продолжува
Потрагата по исчезнати лица во поплави и свлечишта продолжи денеска на подрачјето на Бутуровиќ Поље и други места во сливот на реката Неретвица, соопшти утринава Оперативниот центар за цивилна заштита на Херцеговско-неретванскиот кантон на Босна и Херцеговина, пренесува агенцијата Фена.
Според последните податоци за поплави и свлечишта во Коњиќ, Јабланица и Фојница загинале најмалку 22 лица.
Целата тешка механизација во моментов е фокусирана на чистење на локалните патишта. Тие ја пробиваат тињата на патиштата, а во исто време во тек се санации на водоводната, електричната и телефонската мрежа. Лекови, храна, облека, хигиена и сите други неопходни потреби редовно се делат на ранливото население.
Цивилната заштита доцна во вторникот издаде наредба за итна евакуација на загрозените области Коњица и Јабланица. До 03:43 часот евакуирани се 330 лица.
Регион
Зеленски и Вучиќ денеска пристигнуваат во Дубровник, огромни безбедносни мерки
Денеска попладне во Дубровник се одржува самитот Украина – Југоисточна Европа. По тој повод, украинскиот претседател Володимир Зеленски за прв пат доаѓа во Хрватска. Заедно со него и хрватскиот премиер беше најавено доаѓањето на претседателот на Црна Гора, претседателот на Косово и премиерите на Северна Македонија, Грција, Бугарија и Албанија.
Се очекува и доаѓањето на српскиот претседател Александар Вучиќ.
Учесниците на самитот треба да ја прифатат заедничката дубровничка декларација за чиј текст се уште се преговара, но таа да оди по патот на претходните декларации од самитите во Атина и Тирана.
Главните точки на декларацијата, јавува ХРТ, треба да вклучуваат осуда на руската агресија, поддршка за територијалниот интегритет на Украина, вклучително и полуостровот Крим, поддршка за мировниот план на претседателот Зеленски, барање за процесуирање на воените злосторства во Украина, поддршка за европската интеграција на Киев и членството во НАТО кога ќе се стекнат услови за тоа и поддршка за енергетска безбедност и обнова на Украина по завршувањето на војната.
Регион
(Видео) По поплавите, Неретва ја смени бојата
Неретва ја промени бојата во Мостар. Поради обилните дождови и поплави, под Стариот мост повеќе не тече зелената река, туку кафена и матна.
Во Грабовице, пред хидроелектричната брана, се насобрало куп ѓубре.
Само во хидроакумулацијата Грабовице, според проценката, депонираниот отпад е близу 50.000 м3, со континуиран прилив на нови количини.