Спорт
Тер Штеген: Сакав да ја напуштам Барселона
Германскиот голман Марк-Андре тер Штеген признал дека во еден момент сериозно размислувал да ја напушти Барселона.
Тер Штеген во 2014 година пристигна во Барселона од Борусија Менхенгладбах. Во тој ист преоден рок Каталонците го купија и Клаудио Браво од Реал Сосиедад. Чилеанецот беше купен за да брани, а Тер Штеген да биде негова замена.
Таа сезона Браво бранеше во првенството и Лигата на шампионите, а Германецот само во Купот на Шпанија.
„Јас и Браво добро се справувавме со ситуацијата. Тој е одличен голман кој во тоа време заслужуваше да биде прв голман на Барселона. Тренерот не сакаше ништо да менува бидејќи имаше голман што бранеше одлично во лигата“, рекол Тер Штеген и дополнил.
„Кога се случуваат такви работи, тогаш почнувате да размислувате за иднината бидејќи најважно е да играте. Не ми беше полесно ниту кога се свртија работите, кога тренерот кажа дека Браво ќе брани само во Купот, а јас во другите натпреварувања. Тоа не беше она што го сакав. Во текот на 2016 година размислував да ја напуштам Барселона. Тогаш клубот донесе одлука, решија јас да останам. Мислам дека со добрите партии покажав дека ја заслужив довербата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Со селфи од брзата помош Карвахал потврди дека ги скинал лигаментите
Реал го победи Виљареал со 2:0 во дербито од 9. коло во Примера, но победата има горчлив вкус поради повредата на Дани Карвахал.
Десниот бек на Реал во 92.минута го повреди коленото, на носилки беше изнесен од теренот.
Околу 2 часа по полноќ, Каравахл на Инстаграм објави селфи од брзата помош и ги потврди црните прогнози.
„Потврдена ми е тешка повреда на вкрстените лигаменти. Морам да одам на операција и нема да играм неколку месеци. Со нетрпение очекувам да почнам да закрепнувам и да се вратам како ѕвер. Ви благодарам на сите за пораките“.
Карвахал е позитивен и покрај се, но оваа повреда обично значи долго отсуство од терените, кое трае приближно осум до десет месеци. Тоа значи дека неговата сезона е практично завршена.
Ова е огромен удар за Реал бидејќи Карвахал е незаменлив на позицијата десен бек.
Негова замена е Лукас Васкез, но освен него Реал нема ниту еден десен бек. Шпанските медиуми пишуваат дека поради ова сигурно е дека Реал ќе мора да реагира во зимскиот преоден рок.
Спорт
Бањаја победи во Јапонија, Мартин стартуваше 11. заврши втор
Возачот на Дукати, Франческо Бањаја, триумфираше на Големата награда на Јапонија, 16.трка во Мото ГП шампионатот.
Актуелниот шампион водеше од почеток до крај за неговата прва победа на патеката Мотеги во кралската класа, и негова осма во сезоната. Најблиску до Бањаја беше Хорхе Мартин од Прамак Дукати. Шпанецот возеше неверојатна трка која ја започна од 11.место. На третото скалило на подиумот се најде возачот на Гресини, Марк Маркез.
Ваквиот исход значи дека Бањаја ја намали разликата во однос на Мартин на 10 поени, а до крајот на сезоната остануваат уште четири трки.
Бањаја на стартот го мина Педо Акоста кој стартуваше од пол-позицијата, додека Мартин направи пробив и по само неколку свиоци од 11. дојде до четвртото место.
Возачот на Гас Гас, Акоста се задржа на втората позиција, а потоа излета во четвртиот круг, се врати во трката, но се повлече во 15. круг.
Тогаш Мартин стигна до второто место, во еден момент дојде на седум десетинки од Бањаја, но во ниту еден момент не можеше да му се закани. Бранителот на титулата го зголеми темпото на половина од трката,
Мартин во финишот заостануваше секунда и пол зад Бањаја
Шампионатот во Мото ГП продолжува со Големата награда на Австралија од 18 до 20 октомври.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.