Спорт
Реал и Тотенхем пред четврт-финална промоција
![](https://makfax.com.mk/wp-content/uploads/2019/03/DzThpKzWoAEb19K.jpg)
Реал Мадрид и Тотенхем се наоѓаат пред пласман во четврт-финалето во Лигата на шампионите. Вечерва се играат реваншите во Мадрид и Дортмунд, Реал има предност 2.1 против Ајакс, а Борусија е пред невозможна мисија да надомести 0:3 против Тотенхем.
Реал има добар резултат од првиот меч во Амстердам, но прашање е каква е атмосферата во тимот и самодовербата кај фудбалерите по трите порази на домашен терен во првенството и купот на Шпанија. На „кралевите“ 15 години не им се случило да врзат три порази на „Сантијаго Бернабеу“.
Дополнителен проблем за Сантијаго Солари ќе претставува отсутвото на капитенот Серхио Рамос.
Медиумите веќе му подготвија отказ на Солари доколку вечерва се случи сензација, односно доколку Реал испадне од Ајакс.
Јасно е дека Ајакс нема што за да загубат во Мадрид. Поради тоа тренерот Ерик тен Хаг најавува офанзивна игра на гол повеќе од противникот.
Традицијата во меѓусебните дуели е на страната на Реал. Европскиот првак има осум победи, Ајакс четири во досегашните 13 дуели.
Во вториот меч вечерва Борусија во Дортмунд ќе игра против Тотенхем. Англискиот претставник по првиот меч стекна голема предност од 3:0. Борусија може да се закани, но прашање е дали екипата на Лусиен Фавр сериозно да го нападне Тотенхем.
„Милионерите“, во вториот дел од сезоната се далеку од посакуваната форма, а тоа најдобро го покажуваат нивните натпревари во Бундес лигата, каде во неколку кола ја испуштија предност од седум бода во однос на Баерн.
Тренеот Фавр и капитенот Марко Ројс се оптимисти, веруваат дека Борусија може да ја надомести разликата. Во прилог им оди и податокот дека „милионерите“ сезонава не примиле гол пред своите навивачи во Лигата на шампионите.
Од друга страна Маурисио Покетино е убеден дека неговиот тим нема да има проблеми да ја одбрани предноста остварен во Лондон. Покетино е загрижен бидејќи неговите играчи имаа ден помалку за одмор од противниците.
За овој меч кај Борусија ќе го нема Лукас Пишчек, а неизвесен е настапот на Кристијан Пулишиќ, додека кај Тотенхем ќе отсуствува Киран Трипие, а под знак прашалник се Ерик Даер и Хари Винкс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.