Свет
Севернокорејски хакери ја таргетираат критичната инфраструктура на САД
Група севернокорејски хакери активно се насочени кон бизниси во САД и кон американската критична инфраструктура, се вели во извештајот на компанијата за сајбер-безбедност „Мекафи“ објавен неделава.
Од „Мекафи“ велат дека откриле хакери од Северна Кореја кои се обиделе се да инфилтрираат во речиси 80 бизниси во светот во критичните сектори, како што се финансиите, телекомуникациите, енергијата и одбраната. Таргетирани биле и владите во нападнатите земји.
„Најголемиот број од неодамнешните напади првенствено се насочени кон Германија, Турција и Обединетото Кралство, како и кон САД,“ велат од „Мекафи“.
Постојат сомнежи дека хакирањето продолжило и за време на самитот на американскиот претседател, Доналд Трамп, со Ким Јонг-ун. Се верува дека Пјонгјанг работи со некои од најсофистицираните хакерски ќелии во светот иако владата на Северна Кореја одамна негира каква било злоупотреба.
Од „Мекафи“ велат дека соработувале со владин ентитет во истрагата иако одбија да откријат за која влада станува збор. Компанијата соопшти дека операцијата за хакирање имала бројни технички врски со групата „Лазарус“, хакери од Северна Кореја за кои се верува дека стојат зад грабежите на банки насекаде во светот.
Во „Мекафи“ веруваат дека таквите дигитални форензички докази мора да бидат надополнети со традиционални докази од органите за спроведување на законот и владините агенции за да се изнесат такви тврдења. „Мекафи“ е обврзан да поднесе извештај за техничките сличности помеѓу нападите и кампањите за да им обезбеди на своите клиенти разузнавачки информации за сајбер-закани што можат да ги искористат за да се заштитат од сегашните и од идните напади“, изјави за Си-ен-ен главниот истражувач на компанијата, Раџ Самани.
Севернокорејците набрзина станаа голема сајбер-закана во последниве години. Но за разлика од другите земји, кои повеќе се фокусираат на разузнавачките операции, Севернокорејците ја насочуваат својата енергија кон готовината, вели Џон Демерс, помошник-обвинител за национална безбедност во Одделот за правда.
Минатата недела американски официјални претставници рекоа дека Вашингтон смета оти севернокорејската влада ги засилила сајбер-нападите насочени кон финансиските институции во очаен обид да се стекнат со готовина бидејќи меѓународните санкции наметнати против Пјонгјанг ја стегнаа нивната економија.
Демерс вели дека голем дел од хакирањето е мотивирано од желбата на Северна Кореја за пари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лавров го предупреди Западот: Не играјте си со оган
Рускиот министер за надворешни работи Сергеј Лавров денеска изјави дека разговорите за тоа да ѝ се дозволи на Украина да користи оружје обезбедено од Запад за напади длабоко во Русија се игра со оган што може да има опасни последици.
„Тие зборуваат за овластување на вооружените сили на Украина да користат западни ракети со долг дострел за да напаѓаат длабоко во руска територија. Ова играње со оган може да доведе до опасни последици“, предупреди Лавров во интервју за „Њузвик“.
Лавров потсети на зборовите на рускиот претседател Владимир Путин, кој истакна дека Москва ќе донесе соодветни одлуки врз основа на заканите од Западот, пренесува ТАСС.
„Како што рече претседателот Путин, ќе донесеме соодветни одлуки врз основа на нашето разбирање за заканите од Западот. Ваше е да донесете заклучоци“, нагласи Лавров.
Како што изјави Путин претходно, земјите од НАТО сега разговараат не само за можноста Киев да користи западно оружје со долг дострел – тие всушност одлучуваат дали директно да се вклучат во ситуацијата во Украина.
„Во исто време, ваквото директно учество на Западот ќе ја промени суштината на конфликтот, Русија ќе биде принудена да носи одлуки врз основа на заканите што се создаваат на овој начин“, рече рускиот претседател.
Свет
Бајден: Никогаш нема да се откажам од напорите да ги вратам израелските заложници дома
Американскиот претседател, Џозеф Бајден, и потпретседателката, Камала Харис, го осудија Хамас на годишнината од нападите на терористичката група врз Израел и ја повторија посветеноста на нивната администрација да го зацементира договорот за прекин на огнот за прекин на борбите во Газа и Либан.
„Денеска, се одбележува една година жалост за повеќе од 1.200 невини луѓе од сите возрасти, вклучително и 46 Американци, масакрирани во јужен Израел од страна на терористичката група Хамас. Една година откако Хамас изврши ужасни сексуални дејства. И една година од катастрофалната војната“, рече Бајден, според соопштението на Белата куќа.
Тој рече дека секој ден размислува за повеќето од 100 заложници, кои сè уште се во заробеништво, за и нивните семејства.
„Стејт департментот никогаш нема да се откаже додека безбедно не ги вратиме сите преостанати заложници дома. Историјата исто така ќе го памети 7 октомври како мрачен ден за палестинскиот народ поради конфликтот што Хамас го почна тој ден. Нападот на 7 октомври извади на површина болни спомени, кои оставија милениуми на омраза и насилство врз еврејскиот народ, затоа станав првиот американски претседател што го посети Израел за време на војната, тогаш јасно му реков на народот на Израел: вие не сте сами.
Бајден додаде дека американскиот потпретседател и тој остануваат „посветени на безбедноста на еврејскиот народ, безбедноста на Израел и неговото право да постои“.
„Го поддржуваме правото на Израел да се брани од нападите на Хезболах, Хамас, Хутите и Иран. Минатата недела, под моја наредба, војската на САД повторно активно помогна во успешната одбрана на Израел помагајќи да се порази нападот на иранските балистички проектили“, рече претседателот на САД, пренесува „Танјуг“.
Тој силно го осуди насилниот пораст на антисемитизмот во Америка и во светот.
„Ова е неприфатливо. Сите ние мора да се бориме обединето против антисемитизмот и против омразата во сите форми. Израелците и Палестинците заслужуваат да живеат во безбедност, достоинство и мир. Исто така, продолжуваме да веруваме дека дипломатско решение е можно во текот на пограничниот регион на Израел и Либан и тоа е единствениот начин да се врати мирот и да им се овозможи на жителите од двете страни безбедно да се вратат во своите домови“, заклучи американскиот претседател.
Свет
Ердоган: Израел порано или подоцна ќе плати за геноцидот што го спроведува веќе една година
Турскиот претседател Реџеп Таип Ердоган денеска изјави дека Израел порано или подоцна ќе ја плати цената за, како што наведе, „геноцидот што го спроведува веќе една година“ во Појасот Газа.
Ердоган наведува дека овој геноцид не ги убива само Палестинците, туку и целото човештво.
„Како што Хитлер беше запрен од заедничката алијанса на човештвото, така и Нетанјаху и неговата мрежа на убиства ќе бидат запрени на ист начин“, рече Ердоган во изјавата на платформата X по повод годишнината од нападот на Хамас на југот на Израел и почетокот на војната во Појасот Газа.
Ердоган изјави дека жали за десетиците илјади убиени од израелската армија во една година во Појасот Газа и во Либан повторувајќи дека овие конфликти покажуваат дека меѓународниот систем не му служи на човештвото.
„Светот во кој нема одговорност за геноцидот во Газа нема да има мир. Турција ќе продолжи да се спротивставува на израелската влада и го повикува светот да ѝ се придружи“, рече Ердоган.
Денеска, се одбележува првата годишнина од терористичкиот напад на Хамас на југот на Израел на 7 октомври минатата година.
Хамас тој ден уби 1.200 луѓе и зеде околу 250 заложници, пренесуваат светските медиуми.
Според написите, во конфликтот меѓу Хамас и Израел што следуваше, повеќе од 41.820 Палестинци беа убиени во Појасот Газа, како и повеќе од 2.000 луѓе во Либан.