Спорт
Аца Петровиќ и Раѓа во жестока расправија: Дино ли најде да зборува за дисциплина
![](https://makfax.com.mk/wp-content/uploads/2019/03/aca.jpg)
Неуспехот на Хрватска да се пласира на Светското првенство во кошарка предизвика многу дискусии кај ветераните на оваа репрезентација, а особено жестоки беа Ацо Петровиќ и Дино Раѓа.
Хрватска беше претпоследна во групата со силните Литванија и Италија, но и просечните Полска, Унгарија и Холандија, кога забележа само четири победи. Петровиќ, поранешниот селектор на Босна и Херцеговина и Бразил и брат на легендата Дражен Петровиќ, го смета Раѓа за одговорен како дел од стручниот совет на хрватската федерација.
„Постои само претседател на стручниот совет кој прави сè и ги носи сите одлуки. Тој на времето само ми кажа: ’Океј, ти си тој’. Кога пред 10 години го уништи Сплит, веќе нема потребен квалитет да биде на тоа место. Ред, работа и дисциплина. За тоа зборуваше Раѓа. Тоа ли е истиот Раѓа кој во 1998 за квалификациски натпревар во Славонски Брод спиеше во хотел со пет ѕвездички во Загреб и секој ден со автомобил одеше на тренинг? Тоа ли е ред, работа и дисциплина“, обвинува Петровиќ.
Раѓа не остана покус.
„Со таков лик не ми паѓа на памет да се пресметувам преку медиумите. За моите квалитети и референци ќе зборува некој како Ацо? Знам што му пречи. Во 2017 кога доживеавме дебакл против Русија во осмина-финалето, тој беше селектор. Цело лето тренинзите му траеја по 45 минути. Што знае тој што се случуваше во 1998? Од кај тој би го знаел тоа?“, одговори Раѓа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.