Спорт
Навивачите на Селтик влегоа во домот на Роџерс!
Бесот на навивачите на Селтик по заминувањето на нивниот менаџер Брендан Роџерс во Лестер сити продолжува кога полицијата потврди дека имало насилно влегување во неговиот дом во Глазгов.
Роџерс, кој претходно беше менаџер на Ливерпул, се врати во Премиер лигата со тимот на Лестер по отказот на Клод Пуел по што следуваше насилна реакција на навивачите на Селтик, кои првин поставија погрдни транспаренти нарекувајќи го измамник, а некои од нив пееја песни во кои му посакуваа смрт на менаџерот.
Според „Скај спорт“, сопругата на Роџерс и нивната шестгодишна ќерка биле во домот кога влегле крадците и тие морале да се барикадираат во тоалетот пред крадците да заминат со дел од украденото.
Роџерс освои седум титули со Селтик, вклучувајќи две тројни титули, и беше на чекор до тројна-тројна титула пред да замине во Лестер.
Навивачите му пееја да умре, Роџер вели дека срцето му е во Селтик (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Творецот на успесите на Сити го напушта клубот
Манчестер сити на крајот на оваа сезона ќе го напушти долгогодишниот спортски директор Чики Бегиристајн, пишува „Атлетик“ и додава дека неговата одлука му е позната на клубот од поодамна. Бегиристајн (60) планира да се пензионира по заминувањето од Сити.
Бегиристајн е спортски директор на Сити од октомври 2012 година, а претходно на истата функција беше седум години во Барселона. Како активен фудбалер Бегеристајн седум години го носел дресот на Барселона.
Во мандатот на Бегеристајн, Сити досега освои 21 трофеј, седум од нив се во Премиер лигата, а пред две сезони клубот ја освои и Лигата на шампионите.
Бегиристајн особено тесно соработуваше со Пеп Гвардиола, тој е најзаслужен за неговиот трансфер од Баерн во Сити во 2016 година. Тие двајца добро се познаваа од Барселона, каде прво играа заедно, а потоа соработуваа на ист начин како во Сити.
Спорт
Јирген Клоп во Ред Бул
По заминувањето од Ливерпул, германскиот тренер Јирген Клоп најде нова работа. Во наредниот период тој ќе биде директор за глобален фудбал во Ред Бул.
Трофејниот тренер на Борусија Дортмунд и Ливерпул официјално ќе почне да работи на новата функција од 2025.
Клуп беше без ангажман од 30.јуни кога му заврши договорот со Ливерпул.
Јирген Клоп ќе биде на чело на сите клубови од групацијата Ред Бул, кои се насекаде низ светот.
Меѓу нив се Лајпциг, Салцбург, Лидс, како најпознати во Европа и Њујорк во МЛС лигата и бразилскиот Брагантино.
Голема работа на оваа позиција своевремено заврши легендарниот Ралф Рангник, актуелниот селектор на Австрија и идол на Клоп.
Спорт
Барселона го регистрира Шчесни и за Лигата на шампионите
Војчех Шчесни, полскиот голман кој летово се прости од фудбалот и неодамна беше вратен од пензија, има право на настап и во Лигата на шампионите.
Полјакот дојде во Барселона поради тешката повреда на коленото поради која заврши сезоната на Мар- Андре тер Штеген.
Многумина веруваа дека поради рокот за регистрација во Лигата на шампионите кој истече на почетокот на септември, нема да може да брани во елитното натпреварување за каталонскиот клуб.
Сепак, Барселона најде „дупка“ во правилата, во кои стои дека е можно последователно да се регистрира нов играч само доколку играч на истата позиција доживеал повреда поради која ја завршил сезоната.
Бидејќи токму тоа е случај со Тер Штеген, Шчесни ќе го заземе неговото место и речиси сигурно ќе биде првиот избор на Ханси Флик и во Ла Лига и во Лигата на шампионите.
📸 Wojciech Szczęsny has been registered in @ChampionsLeague ✔️🔵🔴 pic.twitter.com/mpSZkDJ2iX
— fcbarcelonacollection.com (@memorabilia1899) October 8, 2024