Спорт
Eнди Мареј ќе се обиде да направи чудесен камбек
Иако претходно најави дека пензијата е негова најверојатна опција, поранешниот светски број 1, Енди Мареј, открива дека по „обновувањето“ на колкот пред пет недели, болката воопшто ја нема и најави дека ќе се обиде да направи чудесен камбек во тенисот.
Во јануари Мареј призна дека проблемите со колкот и операциите потенцијално значат пензионирање најавувајќи дека ќе игра на Австралија опен и на Вимблдон и ќе замине во пензија. Тој немаше среќа кога го доби 22. носител, Роберто Баутиста Агут, во првото коло и успеа да се врати од два сета негатива пред да загуби во петтиот.
Но, оттогаш Мареј повторно беше на операција на колкот пред пет недели и на промоција во Вимблдон 31-годишниот Шкот беше неверојатно оптимистички расположен.
„Сакам да продолжам да играм тенис. Го кажав тоа и во Австралија. Проблемот е во тоа што не знам дали тоа ќе биде можно. Но, сега сум најсреќен во последните 12 месеци од операцијата бидејќи немам веќе болки, со нив живеев долго време. Рехабилитацијата е бавна, но добра. Морам да видам како ќе се одвиваат работите, но сигурно повторно би сакал да се натпреварувам. Дали ќе бидам во топ-10 повторно? Тоа, најверојатно, не е достижно, но би можел да бидам во топ-50 или топ-100. Не чувствувам притисок дека морам да се вратам, но навистина би го сакал тоа“, вели Мареј.
‘I have hope’
Extended interview with Andy Murray as he tells me hip surgery has left him “pain-free for the 1st time in 2yrs” & cautiously optimistic of resurrecting his tennis career after all. Watch here: https://t.co/EYFCFHJNnh— Dan Roan (@danroan) March 6, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Успешен старт на Вардар во Лига Европа, убедлив триумф над Валур
Ракометарите на Вардар по пауза од две години пауза се вратија на европската сцена. Во првиот натпревар во Лига Европа Вардар го победи актуелниот освојувач на ЕХФ купот, Валур со 33:26.
Црвено-црните сите дилеми околу победникот ги решија уште во таната фаза д првото полувреме. На полувреме имаа водство 19:11. Воо вториот дел рутински ја одржуваа предноста.
На овој натпревар блескаа голманите, Фереира забележа 14, а голманот на Валург, Густавсон 15 одбраби.
Стрелците кај Вардар ги предводеа Борозан и Срдановиќ со по шест гола.
Вардар во второто коло ќе му гостува на Мелсунген. Германскиот тим вечерва победи во Порот со 29:24.
Спорт
Агуеро ја тужеше Барселона, барајќи три милиони евра
Каталонците мака мачат со финансиите, а сега добија и тужба од поранешен фудбалер на Блауграна.
Како што пренесуваат шпанските медиуми, поранешниот напаѓач на Барселона, Серхио Агуеро, поднел тужба против каталонскиот клуб поради неисплатени плати во износ од три милиони евра.
Аргентинскиот напаѓач се пресели во Барселона во мај 2021 година, но мораше да ја заврши кариерата во декември истата година, откако му беше дијагностицирана срцева болест.
Како што пренесува АС Мадрид, Барселона требало да му исплати на Агуеро плата за првата година од договорот за осигурување, но осигурителната компанија одбила да му плати на фудбалерот со образложение дека тој имал проблеми со срцето уште од детството. Сепак, Аргентинецот смета дека Каталонците му должат три милиони евра обештетување за раскинувањето на договорот и поднесе тужба против клубот.
Агуеро пристигна на Ноу Камп во мај 2021 година, но одигра само пет натпревари на кои постигна еден гол (против Реал Мадрид).
Серхио Кун Агуеро во својата богата кариера настапуваше за Атлетико Мадрид, Манчестер Сити и Барселона. Дресот на репрезентацијата на Аргентина го носеше 101 пат и постигна 41 гол.
Спорт
Раководството (засега) го поддржува Фонсека, ги критикува играчите
Настаните во Милано и понатаму се централна тема во италијанските медиуми, особено во светло на неверојатните сцени во Фиренца на натпреварот против Фиорентина. Тие настани ја обновија дебатата за статусот на тренерот Пауло Фонсека.
Токму кога Милан врза три победи во Серија А и навидум влезе во трката за врвот, се случи Фиренца. Пораз со два промашени пенали, не го остави рамнодушна ниту секогаш прбраниот Фонсека.
Тренерот им се налути на Тео Ернандез и Тами Ејбрахам што ја преземаа „одговорноста“ иако Кристијан Пулишиќ е првиот избор на Португалецот.
Под критики е и Фикајо Томори бидејќи кога беше доседен вториот пенал, тој ја зеде топката и му ја деде на Ејбрахам.
Кога на тоа ќе се додадат сцените од Рим од неодамнешното гостување кај Лацио, кога Рафаел Леао и Тео Ернандез се тргнаа на страна кога тренерот делеше совети, јасно е дека тренерот нема многу авторитет меѓу играчите. Барем не меѓу најголемите ѕвезди.
Тоа го препозна и управниот одбор кој го критикува и го осудува односот на играчите. И засега му даваат целосна поддршка на тренерот, иако резултатите не се најдобри.