Спорт
Јунајтед со сензационална победа во Париз! (видео)
Манчестер јунајтед успеа да го направи тоа во што никој не веруваше, откако триумфираше со 3:1 на „Паркот на принцовите“, пласирајќи се во четврт-финалето на Лигата на шампионите, и придонесувајќи за уште една „ЛШ трагедија“ за Пари Сен-Жермен.
Во Португалија пак, Порто успеа да ја надополни предноста од 2:1 на Рома од првиот меч, со идентична победа, по која на „Драгао“ ќе се играат продолженија.
Човек на одлука во Париз беше Маркус Рашфорд, кој постигна гол од пенал во 92. минута од мечот, но архитектот на триумфот е Ромелу Лукаку, откако белгискиот напаѓач двапати казни грешки на одбраната на ПСЖ во првото полувреме. Ова, секако, би требало да значи дека Оле Гунар Солксјер ја врати довербата на навивачите на Манчестер јунајтед и наскоро би требало да биде промовиран во регуларен тренер на „ѓаволите“.
Лукаку ги „шокираше“ навивачите на Парижани уште во втората минута, кога по една грешка на одбраната на домаќините убаво се снајде и го совлада Џиџи Буфон на голот за неочекувано водство, кога сите прогнози велеа дека Јунајтед оди само „формално“ во вториот меч.
Радоста и надежта на гостите беше уништена бргу, кога Килијан Мбапе, инаку најдобриот поединец на овој меч, успеа одлично да го проигра Хуан Бернат во 12. минута за 1:1. Но, возбудата во првото полувреме не беше завршена. Лукаку повторно доби шанса за гол, откако Буфон реагираше лошо на еден удар од далечина, и Белгиецот донесе ново водство, овојпат од 1:2, со само еден гол кој би ги водел во четврт-финалето „ѓаволите“.
Меѓутоа, во второто полувреме, токму ПСЖ ги имаше најдобрите шанси, откако прво во 56. минута им беше поништен голот на Анхел ди Марија, откако Мбапе го пронајде со неверојатно додавање со петица.
Јунајтед не успеаја да креираат некоја позначителна шанса, а домаќините ја имаа контролата на мечот, до крајот, кога еден удар на Диого Далот заврши во раката на Кимпембе. По консултацијата со ВАР, судијата Дамир Скомина досуди пенал, кој ладнокрвно го реализираше Рашфорд за невидени сцени на „Паркот на принцовите“.
I can only imagine how those #mufc fans feel! Incredible scenes when Rashford’s goal went in. #PSGMNU pic.twitter.com/PlBN3trmkw
— Kelly Somers (@KellySomers) March 6, 2019
Ова е уште еден европски колапс на ПСЖ по спектакуларниот во 2017 година, кога по 4:0 победата дома загубија со 6:1 од Барселона на „Ноу Камп“.
На „Естадио до Драгао“ пак, Порто знаеше дека мора да тргне офанзивно по 2:1 поразот во Рим, и Бразилецот Тикињо Соареш им донесе водство од 1:0 во 26. минута од мечот по една лоша интервенција на цела одбрана на Рома.
Овој резултат го носеше Порто во четврт-финалето, така што Рома мораше да тргне напред и доби гол во 37. минута, кога капитенот Даниеле де Роси беше прецизен од белата точка по фаулот над Пероти. Сепак, Порто успеа да дојде до продолженија откако Муса Марега, фудбалерот кој неодамна се расправаше со навивачите на Порто од својот автомобил во 52. минута го совлада Робин Олсен.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Успешен старт на Вардар во Лига Европа, убедлив триумф над Валур
Ракометарите на Вардар по пауза од две години пауза се вратија на европската сцена. Во првиот натпревар во Лига Европа Вардар го победи актуелниот освојувач на ЕХФ купот, Валур со 33:26.
Црвено-црните сите дилеми околу победникот ги решија уште во таната фаза д првото полувреме. На полувреме имаа водство 19:11. Воо вториот дел рутински ја одржуваа предноста.
На овој натпревар блескаа голманите, Фереира забележа 14, а голманот на Валург, Густавсон 15 одбраби.
Стрелците кај Вардар ги предводеа Борозан и Срдановиќ со по шест гола.
Вардар во второто коло ќе му гостува на Мелсунген. Германскиот тим вечерва победи во Порот со 29:24.
Спорт
Агуеро ја тужеше Барселона, барајќи три милиони евра
Каталонците мака мачат со финансиите, а сега добија и тужба од поранешен фудбалер на Блауграна.
Како што пренесуваат шпанските медиуми, поранешниот напаѓач на Барселона, Серхио Агуеро, поднел тужба против каталонскиот клуб поради неисплатени плати во износ од три милиони евра.
Аргентинскиот напаѓач се пресели во Барселона во мај 2021 година, но мораше да ја заврши кариерата во декември истата година, откако му беше дијагностицирана срцева болест.
Како што пренесува АС Мадрид, Барселона требало да му исплати на Агуеро плата за првата година од договорот за осигурување, но осигурителната компанија одбила да му плати на фудбалерот со образложение дека тој имал проблеми со срцето уште од детството. Сепак, Аргентинецот смета дека Каталонците му должат три милиони евра обештетување за раскинувањето на договорот и поднесе тужба против клубот.
Агуеро пристигна на Ноу Камп во мај 2021 година, но одигра само пет натпревари на кои постигна еден гол (против Реал Мадрид).
Серхио Кун Агуеро во својата богата кариера настапуваше за Атлетико Мадрид, Манчестер Сити и Барселона. Дресот на репрезентацијата на Аргентина го носеше 101 пат и постигна 41 гол.
Спорт
Раководството (засега) го поддржува Фонсека, ги критикува играчите
Настаните во Милано и понатаму се централна тема во италијанските медиуми, особено во светло на неверојатните сцени во Фиренца на натпреварот против Фиорентина. Тие настани ја обновија дебатата за статусот на тренерот Пауло Фонсека.
Токму кога Милан врза три победи во Серија А и навидум влезе во трката за врвот, се случи Фиренца. Пораз со два промашени пенали, не го остави рамнодушна ниту секогаш прбраниот Фонсека.
Тренерот им се налути на Тео Ернандез и Тами Ејбрахам што ја преземаа „одговорноста“ иако Кристијан Пулишиќ е првиот избор на Португалецот.
Под критики е и Фикајо Томори бидејќи кога беше доседен вториот пенал, тој ја зеде топката и му ја деде на Ејбрахам.
Кога на тоа ќе се додадат сцените од Рим од неодамнешното гостување кај Лацио, кога Рафаел Леао и Тео Ернандез се тргнаа на страна кога тренерот делеше совети, јасно е дека тренерот нема многу авторитет меѓу играчите. Барем не меѓу најголемите ѕвезди.
Тоа го препозна и управниот одбор кој го критикува и го осудува односот на играчите. И засега му даваат целосна поддршка на тренерот, иако резултатите не се најдобри.