Спорт
ЛЕ: Динамо ја победи Бенфика, Интер утна пенал во Франкфурт (видео)

Европската „бајка“ на Динамо Загреб продолжува, откако хрватскиот шампион успеа да го победи португалскиот гигант Бенфика со 1:0 во првиот меч од осминафиналето на Лига Европа пред преполните трибини на „Максимир“.
Марцело Брозовиќ утна пенал во Франкфурт за Ајнтрахт и Интер да одиграат без голови, Арсенал го заврши мечот со пораз и со 10 играчи во Рен (3:1), додека Севилја и Славија Прага одиграа трилер-меч кој заврши 2:2.
Моментот на одлука во Загреб беше во 38. минута, кога беше досуден пенал, кој Бруно Петковиќ лесно го смести во мрежата на гостите од Лисабон.
Во Германија пак, Интер пропушти клучна шанса да стигне до победа на гости, откако Кевин Трап во 22. минута му го одбрани ударот на Брозовиќ од белата точка, така што „нераѕурите“ ќе треба да бркаат пласман на домашен терен.
Во Франција, Арсенал стигна до брзо водство преку Ивоби уште во четвртата минута, но мечот се смени по вториот жолт картон на Сократис, по што Рен прво успеа да израмни во 42. минута, а потоа во второто полувреме Монреал си постигна автогол во 65. минута. Исмаила Сар во финишот на мечот ги зголеми маките на „топчиите“.
Севилја двапати поведуваше против Славија Прага, а гостите двапати израмнуваа во интересното прво полувреме на „Санчес Писхуан“, додека Вилјареал успеа да стигне до клучна 3:1 победа на гостувањето кај Зенит.
ЛИГА ЕВРОПА, 1/8 ФИНАЛЕ, ПРВИ НАТПРЕВАРИ
Динамо Загреб – Бенфика 1:0
Ајнтрахт Франкфурт – Интер 0:0
Рен – Арсенал 3:1
Севилја – Славија Прага 2:2
Зенит Санкт Петербург – Вилјареал 1:3
Челси – Динамо Киев 21.00 ч.
Наполи – Салцбург 21.00 ч.
Валенсија – Краснодар 21.00 ч.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трилер натпревар во Денвер – Нагетс по едно продолжение ги победија Клиперси

Денвер Нагетс го добија првиот натпревар од четвртфиналната серија против ЛА Клиперс. Во „Бол Арена“, Нагетс славеа во дополнителните пет минути откако во регуларниот натпреварот заврши 98:98.
Денвер буквално им ја украде побеата на Клиперс, кои го контролираа натпреварот се до последната четвртина. Клиперси во вториот период ја имаа и најголемата предност од 15 секунди.
Во последниот период кога се „разбудија“ Мареј и Вестбрук, Денвер го стигна и престигна противникот. Вестбрук на 23 секунди до крајот погоди тројка за предност на Денвер 98:96, во наредниот напад поентираше Харден, а последниот напад на Денвер заврши несупешно.
Во продлженијата клучна беше тројката на Браун на 23 секунди до крајот, а потоа и украдената топка на Вестбрук. Потоа Јокиќ од линијата за слободни фрлања стави точка на натпреварот.
Јокиќ го предводеше Денвер со 29 поени, девет скока, 13 асистенции и три украдени топки. Гордон забележа 25 поени и осум скока, Мареј 21 поен, девет скока и седум асистенции, а Вестбрук 15 поени, осум скока и три асистенции.
Кај Клиперси блескаше Харден со 32 поени, пет скока и 11 асистенции, Ленард забележа 22 поени, шест скока, две асистенции, мо имаше и шест загубени топки, а Ивица Зубац мечот го заврши со 21 поен и 13 скокови.
Спорт
(Видео) Осум гола за полувреме во Берлин

На стадионот „Ан дер Алтен Форстереј“ во Берлин вечерва се одигра најефикасното полувреме во тековната сезона во германската Бундеслига.
Дури осум гола беа постигнати за 45 минути од дуелот меѓу Унион Берлин и Штутгарт.
Головите за Унион ги постигнаа Илиќ во петтата и 45+6 минута, Леите во 19. минута и Куерфилд во 38. минута.
Штутгарт беше подеднакво ефикасен и голови постигнуваше преку Ундав во 23., Мило во 29. Шабо во 43. и Фуриќ во првата минута од судиското надополнување.
Сепак, во вториот дел двете екипи се „загаснаа“ и до крајот мрежите меруваа, а резултатот остана 4:4.
Унион Берлин има 35 бодови и останува на 13. позиција, додека „Швабите“ се на 11. место со 41 бод.
Спорт
(Видео) Астон Вила го декласира Њукасл

Во последниот саботен натпревар од 33. коло на Премиер лигата, Астон Вила забележа убедлива победа против Њукасл. Избраниците на Унаи Емери славеа со 4:1 (1:1).
Вила поведе по само 34 секунди игра, кога Оли Воткинс го матира Ник Поуп.
Во следните минути се редеа шансите на домашните, а откако не успеаја да ја зголемат предноста, казната ги стигна во 18. минута. Харви Барнс нафрли прецизно, а Фабијан Шер од непосредна близина лесно ја испрати топката во мрежата.
Оли Воткинс имаше неколку прилики до крајот на полувремето, а Њукасл се закани преку Сандро Тонали, но резултатот остана 1:1.
Во вториот дел Астон Вила целосно се награди за добрата игра. Во 64. минута Матсен на асистенција на Воткисн го постигна вториот гол за Вила, десет минути подоцна автогол си постигна Ден Брн, а во 75. минута убав го постигна Онана 4:1.
Њукасл останува на третото место на табелата со 59 бодови, а Астон Вила сега е шеста со 57.