Свет
Храбрите жени во Иран ги извадија шамиите против верскиот режим
Во триесетина земји во светот, од Авганистан до Замбија, Меѓународниот ден на жената е официјален празник со кој се слави храброста и одлучноста на жените, кои имале клучна улога во историјата на своите земји и заедницата, кои повикуваат на промени за зајакнување на женските права. Во уште десетина земји Денот на жената се одбележува иако не е национален празник.
Со оглед на социјалистичките корени на овој празник – прва го организирала Социјалистичката партија на Америка во 1909 година во Њујорк, а една година подоцна Меѓународната конференција на социјалистките предложила овој ден да се слави секоја година, не е чудно што празникот се одбележува првично во земјите од поранешниот Советски Сојуз и членките на таканаречениот Движење на неврзаните.
Но во една од тие земји властите особено се однесуваат непријателски кон одбележувањето на Меѓународниот ден на жените. Не е чудно, со оглед дека во Иран од 1979 година до денес владее тврдокорен исламистички режим.
Повеќе од една година храбрите жени во оваа земја една по една излегуваат на улица, демонстративно симнувајќи ја традиционално муслиманската шамија од главата, чие носење надвор од дома во Иран е задолжително со закон. Овие жени бараат елементарно човечко право – право на избор да носат тоа што сакаат, не тоа што мажите на моќни позиции, повикувајќи се на религиски декрети, тврдат дека мораат да го носат.
Режимот кој го водат муслиманските ајатоласи, мажи, се обиделе да го загушат ова движење на „женска граѓанска непослушност“, приведувајќи и затворајќи активистки. Истакнатата иранска активистка за човекови права Насрин Сотудех вели дека за ова дело законски е предвидена казна од глоба до 2 месеци затвор, но иранската полиција често оди многу подалеку од тоа во казнувањето на „неморалните“ жени, кои се малтретирани во затворот, тепани и мачени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Насилство на пропалестинските демонстрации во Берлин, полицијата употреби солзавец
На пропалестинските демонстрации во Берлин минатиот викенд, насилство избувна кога демонстрантите почнаа да ја гаѓаат полицијата со камења и шишиња, а полицијата одговори со солзавец.
По повод годишнината од смртоносниот напад на Хамас во Израел, полицијата распореди околу 2.000 свои членови поради најавените протести, пренесува „Берлингер Моргенпост“.
Во саботата пропалестинските демонстранти маршираа од Темпелхоф до Бранденбуршката порта, а во неделата беа одржани демонстрации во Кројцберг и Нојколн, пишува порталот ТРТ Ворлд.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.