Спорт
Гвардиола: Ќе заминам само во случај да добијам отказ
Тренерот на Манчестер сити, по победата на неговиот тим против Вотфорд (3:1) ги демантирал тврдењата на италијанските медиуми дека се договорил од наредната сезона да го води Јувентус.
Информацијата на која се повикуваат медиумите на Апенините ја лансираше новинарот Луиџи Џуелпа, кој летото прв објави дека Кристијано Роналдо ќе пристигне во Торино.
„Дека Пеп се договорил со Јувентус му кажа истата особа од која дознав дека во клубот ќе дојде Роналдо“, изјавил Џуелпа за радиото „ЦРЦ“.
„Знам како делуваат социјалните мрежи, но не разбирам зошто медиумите пишуваат такви работи. Имам уште две години од договорот со Манчестер сити. не одам никаде доколку не добијам отказ. Ќе останам тука доколку клубот го сака тоа“, рекол Гвардиола.
Pep Guardiola strongly dismissed the report that he has verbally agreed to join Juventus, saying the only way he will leave #MCFC before 2021 is if the club sack him pic.twitter.com/t1Vvl7vLRs
— Simon Peach (@SimonPeach) March 9, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ноер: Секој што играл фудбал знае како се чувствувам
Голманот и капитен на Баерн, Мануел Ноер во секунда од херој се претвори во трагичар на својот тим. Баерн синоќа доживеа пораз од Реал. Ноер буквално му го подари израмнивачкиот гол на Реал во 88.минута. Три минути подоцна Хоселу со вториот гол ги елиминираше Баварците.
„Секој што некогаш играл фудбал знае како се чувствувам во моментов. Горчлив е вкусот кога ќе доживееше елиминација, а бевме толку блиску до финалето на ЛШ. Со една нога бевме на Вембли, но не успеавме“, изјави Ноер.
Реал на 1 јуни ќе игра против Борусија Дортмунд во финалето на Лигата на шампионите на Вембли.
Спорт
Манчестер јунајтед има најголема вредност во светот на фудбалот
Порталот „Спортико“, специјализиран за бизнис во спортот, објави листа на највредните фудбалски клубови во светот во моментов. Прв на листата е Манчестер јунајтед со вредност од 6.200.000.000 долари.
Втор на листата е финалистот во Лигата на шампионите Реал Мадрид со вредност од 6.060.000.000 долари, додека трета е Барселона со 5.280.000.000 долари.
На четвртото место е Ливерпул со 5.110.000.000 долари, а Баерн Минхен е на петтото место со 4.880.000.000 долари.
Интересно, Манчестер сити е на шестото место со вредност од 4.750.000.000 долари и покрај огромните инвестиции. Меѓу првите 20 на листата има пет клуба од МЛС лигата.
Во анализата „Спортико“ ги зема во предвид податоците за се она што е во сопственост на клубот, од стадионот до играчите и фирмите кои работат во рамките на клубовите.
Еве ја листата на 20. највредни фудбалски клубови во светот:
Спорт
Баерн 12 години немал вака лоша сезона
Оваа сезона фудбалерите на Баерн ги загубија сите три битки и остануваат без трофеј за прв пат по 2012 година.
Откако ја загубија титулата во Бундеслигата, каде што беа неприкосновени претходните десет години, во средата вечерта останаа без шанса да се борат за единствениот трофеј што остана на нивниот список, Лигата на шампионите.
Тие беа шокантно елиминирани од Реал во полуфиналето, со головите во 88. и 91. минута и со тоа ја загубија последната шанса за спас на сезоната.
Да потсетиме, Баер Леверкузен сезонава ја освои титулата во Германија, убедливо и доминантно, додека во 1/16-финалето на Купот избраниците на Тухел сензационално беа елиминирани од третолигашот Сарбиркен.
Последен пат Баерн заврши сезона без трофеј во 2012 година.
Тогаш Баварците во финалето, на домашен терен беа поразени од Челси во Лигата на шампионите, во Бундеслигата го зазедоа второто место зад Борусија Дортмунд, од која загубија и во финалето на Купот.