Свет
Јапонија одбележува осумгодишнина од нуклеарната катастрофа во Фукушима

Јапонија на осмата годишнина од трагедијата им оддаде почит на жртвите од земјотресот и цунамито што ја предизвикаа нуклеарната катастрофа во Фукушима.
Точно во моментот кога пред осум години земјотресот со магнитуда од 9 степени го погодил регионот имаше едноминутно молчење на церемониите во чест на жртвите што се одржаa во Токио и во североисточниот дел на Јапонија за речиси 18.500 луѓе што загинаа во несреќата на 11 март 2011 година.
Премиерот Шинзо Абе присуствуваше на церемонијата во Националниот театар во главниот град, на која исто така беа и принцот Акишино, принцезата Кико, како и преживеаните во катастрофата, но и семејствата на жртвите.
Во нуклеарната електрана „Фукушима“ дојде до дефект на три од шесте реактори поради што регионот се загади со радиоактивен материјал. Стотици илјади луѓе мораа да ги напуштат своите домови поради страв од контаминација и нуклеарна експлозија.
Операторот на електраната изјави дека би можеле да минат децении додека се расклопат сите шест реактори.
Пред две години властите ја повлекоа наредбата за евакуација на многу градови околу електраната кога завршија работите за деконтаминација за кои критичарите велат дека не се ефикасни.
И покрај оваа мерка, десетици илјади луѓе, особено мајки, деца и млади луѓе, уште не се вратени во своите родни места поради слабата можност да се најде вработување, но и поради загриженоста од контаминација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Орбан е фантастичен, знам дека многу луѓе не се согласуваат, но јас сум единствениот што е важен

Унгарскиот премиер Виктор Орбан е фантастичен лидер, изјави вчера американскиот претседател Доналд Трамп на прес-конференција во египетското одморалиште Шарм ел-Шеик.
Во видео објавено на фејсбук-страницата на премиерот Трамп го фали Орбан.
„Тука ја имаме Унгарија. Виктор! Го сакаме Виктор. Ти си фантастичен. Знам дека многу луѓе не се согласуваат со мене, но јас сум единствениот што е важен“, рече Трамп.
На покана на Трамп, Орбан присуствуваше на потпишувањето на договорот за крај на војната во Газа вчера во Египет. Трамп додаде дека го поддржал Орбан на последните избори и дека „тој победил со 28-процентни поени“.
„Затоа следниот пат ќе се покажете уште подобро. Сто проценти стоиме зад вас“, му рече тој. Орбан одговори во своето соопштение. „Ви благодарам, господине претседателе! Продолжуваме по патот на мирот!“, рече тој.
Свет
(Видео) Трамп: Го испратив Виткоф кај Путин, тој немаше поим ниту за Русија ниту за Путин

Претседателот на САД, Доналд Трамп, откри детали за необична средба со рускиот претседател Владимир Путин во говорот пред израелскиот парламент синоќа, во која, како што рече, неговиот специјален пратеник Стив Виткоф одиграл важна улога.
„Го испратив Виткоф да се сретне со Путин мислејќи дека ќе биде средба од 15 до 20 минути. Виткоф немаше поим ниту за Русија ниту за Путин. Тој не знаеше многу за политиката“, рече Трамп предизвикувајќи смеа кај израелските пратеници во парламентот.
Trump: “I sent Witkoff to meet with Putin thinking it would be 15-20 minute meeting.
Witkoff had no idea about Russia or Putin. He did not know much about politics.”WHO THE HELL SENDS A NOVICE TO NEGOTIATE THE BIGGEST WAR IN EUROPE SINCE WW2?! pic.twitter.com/xFlQGxfvxi
— Kate from Kharkiv (@BohuslavskaKate) October 13, 2025
Трамп откри дека состанокот траел пет часа и дека многу се изненадил поради тоа.
Виткоф беше бизнисмен и адвокат пред Трамп да го назначи за специјален пратеник за Блискиот Исток и мировните операции оваа година и тој постојано се среќаваше со Путин и со руски претставници како дел од преговорите за војната во Украина.
Свет
Сите летови откажани, најавени национални демонстрации во Белгија

Се очекува десетици илјади демонстранти да се соберат денес во Брисел во знак на протест против планираните намалувања на владиниот буџет, што последователно ќе предизвика големи нарушувања во воздушниот сообраќај и во функционирањето на јавните услуги.
Поради отсуството на безбедносниот персонал од работа на најголемиот аеродром во Белгија, „Завентем“, сите појдовни летови се откажани, како и неколку дојдовни, објави аеродромот.
На веб-страницата на аеродромот „Шарлроа“, втор по големина во земјата, се наведува дека ниеден авион нема да полетува или слетува таму.
Белгиската новинска агенција „Белга“ објави дека протестите ќе влијаат и на локалниот јавен превоз во сите три региони, при што помалку од половина од сите закажани автобуси, трамваи и метроа работат.
Белгиските медиуми известуваат дека тешкотиите ќе се почувствуваат и во собирањето отпад и во поштенскиот сектор. Сепак, железничкиот оператор СНЦБ соопшти дека додал повеќе возови до Брисел за да им овозможи на демонстрантите да патуваат до главниот град.
Трите главни синдикати, либералниот ЦГСЛБ, христијанскиот ЦСЦ и левичарскиот ФГТБ, заеднички повикаа на национални демонстрации против промените во пензиите и надоместоците за невработеност, како и падот на куповната моќ.
Полицијата ги советуваше граѓаните да не патуваат до Брисел со автомобил бидејќи многубројни патишта ќе бидат затворени поради очекуваниот прилив на демонстранти.
Фото: ЕПА