Црна хроника
Сторители на над илјада кривични дела за шест години заработија уште една пријава
Тројца скопјани, коишто инаку се регистрирани како сторители на имотни деликти, за што им се поднесени вкупно 214 кривични пријави, за извршени 1.082 кривични дела во временски период од 1999 до 2005 година, за што им се изречени вкупно 52 години затвор, две условни осуди, една мерка малолетнички затвор и една мерка упатување во воспитно поправен дом, заработија уште една кривична пријава за тешка кражба
Скопската полиција во саботата соопшти дека за групата којашто ја сочинувале 24-годишниот Е.И., 30-годишниот Н.К. една година повозрасниот Е.Е., 20-годшниот М.Ј. и 15-годишната С.С. е поднесена кривична пријава поради сомневање за сторено за дело „тешка кражба“ до Основното јавно обвинителство Скопје. Прво наведените тројца се, инаку, лицата коишто за шест години успеале да сторат повеќе од илјада кривични дела и вкупно да забаботат затворски казни од половина век.
Според документираните сознанија на скопската полиција, во четвртокот, на 02-ри јануари, петте лица во алкохолизирана состојба, отишле на булеварот „Александар Македонски“ во книжарницата „Квант“ во Скопје, каде што го скршиле катанецот од заштитната решетка, по што го скршиле и стаклото од излогот на дуќанот. Додека двајца стоеле надвор и внимавале некој да не наиде, другите влегле во објектот и одзеле поголемо количество цигари и други производи.
Откако ги ставиле предметите во кеси и тргнале пешки, но биле забележани од припадниците на полициската единица „Алфи“, по што биле легитимирани и приведени во полициска станица, каде што детално објасниле како ја извршиле провалата.
Истражен судија на двајцата им одредил осумдневна мерка притвор, двајца се вратени на издржување на казната во затворот „Идризово“, додека малолетната девојка заедно со нејзината мајка ќе биде однесена кај Јавен обвинител./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Деца ограбиле деца со нож во Скопје, МВР ги фати
Полицијата вчера приведе четворица малолетници од Скопје.
Тие се сомничат дека околу 22.00 часот на подрачјето на Центар со закана со остар предмет од двајца други малолетници одзеле пари.
Со малолетниците бил извршен службен разговор, а парите биле пронајдени и ќе бидат вратени на сопствениците.
По целосно документирање на случајот, против нив ќе биде поднесена соодветна пријава.
Топ
Тешка сообраќајка кај Влае – има повредени, едното возило преполовено
Тешка сообраќајна несреќа се случи утрово на булеварот Партизански одреди во скопската населба Влае.
Во несреќата учествуваа две возила, од кои едното е преполовено од силата на ударот.
Според информациите од МВР, со возилата управувале 32-годишна скопјанка и 27-годишник, и двајцата од Скопје.
Во несреќата со тешки телесни повреди се здобила жената, констатирани во Комплекс клиники „Мајка Тереза“. Додека другиот возач и неговиот сопатник се здобиле со телесни повреди.
За настанот бил известен јавен обвинител, а увид извршила увидна екипа од СВР Скопје.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.