Економија
„Фолксваген комерцијални возила“ ја претставува електричната мобилност
Нови решенија за одржлива мобилност и транспорт на стоки и луѓе во урбаните региони – Volkswagen Комерцијални возила го претставија електричниот транспорт од иднината.
Томас Седран, претседател на одборот за менаџмент на Volkswagen Commercial Vehicles, ги најави целите на брендот:
„Во традицијата на Volkswagen е да бидеме чекор понапред, ние сега работиме на решенија за предизвиците на иднината, размислувајќи за одржлива мобилност за нашите клиенти и за подобар квалитет на воздухот во нашите градови“.
Cargo e-Bike
Во својот проект, брендот разви товарен трицикл, кој што корисниците на брендот ќе можат да го користат за последниот чекор од испораката – трговците, на пример, би можеле да го искористат за возење до работните места, без притоа да и наштетат на околината. Cargo e-Bike може да носи до 210 килограми, вклучувајќи го и возачот, и може да се справи со товарен волумен од еден пол кубен метар. Опремен со мотор од 250 вати поставен во средина со автоматски менувач, има мал круг на вртење и иновативна технологија со постојано одржување на перфектна хоризонтална поставеност на возилото. „Нашиот Cargo e-Bike ги спојува сите познати карактеристики за користење и возење за да направи совршен производ“, нагласува Седран.
ABT e-Caddy и ABT e-Transporter
Овие две нови, електрични решенија за урбан транспорт беа развиени во соработка со стратешкиот партнер ABT и тие го затворија претходниот јаз во програмата за електрифицирани модели на брендот. Со отпочнувањето на производството на е-Crafter, решенијата за ретрофит веќе се подготвени за малите комбиња и возилата за испорака ќе пристигнат на пазарот во почетокот на 2019 година. Капацитетите на батериите се 36 и 72 kWh. Ова им овозможува на возилата да покриваат опсег од 200 или 400 км со едно полнење.
I.D. BUZZ CARGO концепт комби
Идеалното возило за градскиот сообраќај од иднината, тоа секако е електрично и нуди многу креативно дизајнирани решенија за максимална удобност за возачот. Опремен со комплетно нов електрифициран систем кој беше развиен за сервисни монтажери и техничари за одржување кој нуди поврзување со функционална контролна единица на корисникот. Системот за работа и нарачување може да се имплементира на овој начин. Целата стока од магацинот може да се следи. Доколку се појави потреба од било каква стока, системот може да ја испорача автоматски. Вратите може да се отворат електрично, а системот за следење на стока може да се прилагоди. Томас Седран изјави: „Ова возило стои како доказ дека ги слушаме нашите клиенти, ги разбираме нивните потреби и развиваме решенија кои се прецизно дизајнирани да ги исполнат. Ние ги снабдуваме нашите клиенти со возилото кое токму на нив им е потребно“.
Crafter HyMotion концепт комби
Базирано на е-Crafter, и во суштина претставува одличен наследник за покривање на големи растојанија. Crafter HyMotion е електрично напојувано 3.5-тонско комбе кое добива енергија од горивна ќелија. Неговиот резервоар за водород од 4,2 килограми овозможува вкупен опсег од 350 км. Резервоарите во HyMotion имаат модуларен дизајн. Втора верзија е достапна со поголеми резервоари со досег до 500 км. Хајнц-Јирген Лев, раководител на продажба и член на управниот одбор на Volkswagen Комерцијални возила, нагласи: „Ова е сеуште концепт возило, но техничкиот концепт е веќе во фаза на продукција. Ние спроведуваме интензивна анализа на трошоците и придобивките кои ќе го определат потенцијалот на пазарот. Crafter HyMotion со погон на горивни ќелии е апсолутно корисен додаток на нашето богато портфолио на возила.“
Томас Седрен истакна дека и покрај напредокот постигнат во неопходната електрификација на своите производи, Volkswagen Комерцијални возила ќе продолжат да се потпираат на високо напредните дизели како столб за логистика на многу гранки и оперативни цели.
Брендот веќе ги покажува решенијата за предизвиците на иднината. Седран изјави: „Ние ја поврзуваме сегашноста со иднината. Затоа, нашето мото е – Иднината започнува сега!“.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Комисијата за осигурување од автомобилска одговорност направи измени на тарифникот, Предлог-одлуката е доставена до Владата
Комисијата за осигурување од автомобилска одговорност денеска одржа нова седница на која ја разгледа Анализата за оправданоста и исправноста на донесените одлуки на друштвата за осигурување, подготвена и доставена до Комисијата од страна на Агенцијата за супервизија на осигурувањето, како регулатор на работењето на осигурителниот пазар.
По разгледување на Анализата, а врз основа на наодите, Комисијата за осигурување од автомобилска одговорност одржа седница и утврди потреба од измени на Тарифата за премии за осигурување и подготви Предлог-измени и дополнувања на Тарифата на премии со кои се доуредува член 3 во насока на заштита на корисниците, извести Министерството за финансии.
Предложените измени се насока на утврдување на опсег од 15% до 30% во кој друштвата за осигурување можат да го определат делот на премијата за вршење дејност на осигурување од автомобилска одговорност, а за секој износ на овие трошоци над 30% да побараат претходна согласност од Агенцијата за супервизија на осигурување. Ова значи враќање на цената на осигурувањето од автоодговорност на ниво од пред 25 април 2024 година.
Дополнително беше утврдено дека Комисијата најдоцна до 30 септември секоја година до Владата да доставува предлог за минимална и максимална стапка на техничка премија за осигурување за следната година.
Одлуката за донесување нова тарифа се заснова на Анализата на АСО со која се укажува дека на 23.04.2024 година, 11 друштва за осигурување кои вршат работи на осигурување во групата на неживотно осигурување доставиле известувања до Агенцијата за супервизија на осигурување за донесени одлуки на нивните органи на управување за зголемување на премиите за задолжително осигурување од АО, при што се повикуваат на одредбите од Тарифата на премии за осигурување од АО, објавена во „Службен весник на РМ“ бр. 191/2018, според кои одредби имаат можност самостојно да одлучат за висината на делот од премијата за спроведување на дејноста, односно т.н режиски додаток при одредувањето на крајната премија по договор за осигурување (член 3 од Тарифата). Притоа известувањата на друштвата до АСО не содржат финансиски анализи за изминати периоди, ниту пак конкретни проекции за очекуван развој на ризиците кои ги преземаат во осигурување. Единствен аргумент на кој се повикуваат друштвата за осигурување се растечките трошоци од работење, кои не се непосредно поврзани со настанување на ризиците, односно со настанатите и очекуваните штети, соопшти Министерството за финансии.
Дополнително, ставот на Комисијата е поткрепен со мислењето на АСО како регулатор дека ваквото постапување на Друштвата за осигурување влијае врз стабилноста, сигурноста и предвидливоста на функционирање на целиот систем на осигурување во насока на штета на осигурениците, односно сопствениците на моторни возила.
Предлог-одлуката што ја усвои Комисијата за осигурување од автомобилска одговорност на денешната седница е доставена на усвојување до Владата на РС Македонија.
Состојбите на пазарот ќе се следат и во наредниот период и ќе се преземаат соодветни одлуки, врз основа на анализи и во еден отворен и транспарентен процес. Во врска со донесените одлуки од страна на осигурителните компании за зголемување на висината на бруто-премијата за осигурување од автомобилска одговорност во втората половина од април 2024 година, Министерството за финансии ја свика Комисијата за осигурување од автомобилска одговорност која одржа седници на 26, 29 и 30 април и 02 мај 2024 година со цел да ги разгледа сите аспекти од носењето на овие одлуки, се додава во соопштението на Министерството за финансии.
Економија
Ковачевски: Поддршката за домашните компании продолжува, СДСМ нема да се откаже од подобра и европска иднина за државата
Претседателот на Социјалдемократскиот сојуз на Македонија, Димитар Ковачевски, денеска оствари средба со претседателот на Стопанската комора на Северозападна Македонија, Менди Ќура, и со членовите на комората, на која што се разговараше за ефектите од досегашните економски мерки, за идните мерки на СДСМ, како и за нивните предлози, за тоа што е потребно да се направи во следниот период за развој на приватниот сектор и економијата.
Ковачевски по средбата, во изјава за медиуми, речедека со сите стопански комори досега имало успешна соработка, потенцирајќи дека и во време на најтешки кризи се Владата предводена од СДСМ, носеше правилни мерки за заштита на економијата, ликвидноста на компаниите и стандардот на граѓаните.
„Во тоа време направивме девет пакети антикризни мерки, во кои што учествуваа секогаш и претставниците на Стопанските комори, вклучително и Стопанската комората на Северозападна Мкаедонија. На тој начин успеавме да спасиме 80.000 работни места во 20.000 компании. Подоцна продолживме со зголемување на минималната плата, за која што секогаш имаше поддршка од оваа комора меѓутоа и од другите, и до зголемување дојде и на просечната плата“, рече Ковачевски.
Во однос на поддршката за домашните компании, Ковачевски посочи дека тоа е еден од приоритети на СДСМ и дека преку Законот за финансиска поддршка на инвестиции, домашните компании за прв пат добија поддршка од држвата, која со новата четиригодишна програма на СДСМ и Коалицијата за европска иднина, ќе се зголеми.
„Во текот на изминатите години, како Влада имаме обезбедено 100 милиони евра финансиска поддршка за домашните компании. За наредниот четиригодишен мандат, планираме над 180 милиони евра, што ќе отвори нов циклус на инвестиции кај домашните компании“, рече Ковачевски.
На средбата, како што кажа Ковачевски, се разговарало и за клучните реформи во државата кои што се поврзани со евроатлантските интеграции на Северна Македонија, при што Ковачевски потенцираше дека СДСМ како партија не се откажува од интегрирањето на државата во ЕУ, согласно со преговарачката рамка која што е усвоена.
„Веќе оваа недела ќе биде усвоена реформската агенда која што е дел од Планот за раст на Западен Балкан, во кој што точно ќе бидат наведени реформите кои што ќе треба да се прават со цел да се повлекуваат траншите за Македонија. Тоа ќе бидат реформи во сите области од економијата, јавната администрација до правосудството и добрососедските односи“, истакна Ковачевски.
При тоа, Ковачевски потенцираше дека најголем дел од предлозите на Стопанската комора на Северо-западна Македонија, кои што беа дадени уште пред изборите, се веќе имплементирани во четиригодишната програма на СДСМ и Коалицијата за европска иднина.
„Значи тоа зголемување понатамошно на минималната плата, зголемување на просечната плата и секако поддршка нова на индустријата, особено на компании кои што се извозно ориентирани и определување на доволна сума на финансиски средства за капитални инвестиции во државата. Ние имаме предвидено 3,5 милијарди од кои што 2,7 милијарди се за инфраструктурни проекти во државата во наредниот четиригодишен период.Тука би го додал и земјоделството, предвидуваме поддршка во земјоделството во четиригодишниот период од 1,3 милијарди евра, што секако ќе значи зголемено производство на храна, зголемен извоз на храна и зголемен извоз на земјоделски производи“, исткана претседателот на СДСМ, Димитар Ковачевски.
Економија
АСО: Владата преку измени на тарифникот да ги намали цените на полисите за задолжително осигурување од автомобилска одговорност
Агенцијата за супервизија на осигурување (АСО) ја охрабрува Владата, согласно своите законски надлежности, да ги заштити правата на осигурениците и преку измени во Тарифникот да ги намали цените на полисите за задолжително осигурување од автомобилска одговорност.
АСО како регулатор на пазарот на осигурување уште еднаш јавно информира дека е целосно неоправдан и без основа потегот со кој осигурителните компании ги зголемија цените на осигурувањето од задолжителна автомобилска одговорност.
Клучните аргументи против зголемување на цената се наведени во анализата што е доставена до надлежната комисија при Министерството за финансии.
Зголемувањето на цената на осигурувањето не е во функција на јакнење на заштитата на осигурениците. Напротив, како што се додава, ова зголемување на цените е само и исклучиво во функција на покривање на трошоците за оперативно работење на компаниите за осигурување.