Свет
Терористот од Нов Зеланд патувал и престојувал во повеќе балкански земји

Напаѓачот на џамијата во Нов Зеланд, Брентон Терант, во изминатите неколку години, посетил повеќе земји во Југоисточна Европа, потврдија локалните власти и надлежните служби.
Најпрво се огласи бугарскиот државен обвинител, Сотир Цацаров, кој во петокот рече дека Терант престојувал во таа земја во 2018 година.
Цацров кажа дека Терант допатувал во Софија со лет од Дубаи и дека во Бугарија останал од 9 до 15 ноември, од каде патувал за Романија, па во Унгарија.
Според него, напаѓачот на џамијата во градот Крајстчрч во Нов Зеланд, Австралиецот Брентон Терант (28), истата година престојувал и во Црна Гора и во Србија, во периодот од 28 до 30 декември, пренесе новинската агенција БТА.
Цацаров додаде дека бугарската служба за безбедност соработува со колегите од Србија и Црна Гора во врска со овие посети на Австралиецот, но исто така и со агенции од САД, Нов Зеланд, Австралија и Обединетите Арапски Емирати.
Претстојот на напаѓачот од Нов Зеланд во својата земја денеска го потврди и хрватскиот премиер Андреј Пленковиќ, кој рече дека Терант кон крајот на декември 2016 година и почетокот на 2017 година бил во Хрватска.
„Добив известување дека информациите за негов престој во Хрватска се точни и колку што успеав да видам, тој бил во земјава на крајот на декември 2016 и почетокот на 2017 година. Тоа е она што го знаеме во овој момент“, истакнал Пленковиќ.
Запрашан дали знае од која причина Терант бил во Хрватска, храватскиот премиер кажа дека службите работат на тоа. Според него, до нападот во Нов Зеланд оваа личност не била многу во фокусот на хрватските институции.
Од граничната полиција на Босна и Херцеговина за локалните медиуми потврдиле дека Австралиецот бил во неколкудневна посета и на оваа земја.
Во Турција тој престојувал во периодот меѓу 17 и 20 март 2016 година, како и од 13 септември до 25 октомври 2016, изјави неименуван висок претставник за турската телевизија ТРТ, додавајќи дека властите во Анкара се обидуваат да утврдат каде се движел во тој период.
Во терористичкиот напад на двете џамии во Нов Зеланд во градот Крајстчрч, во петокот беа убиени 49 лица, а десетици се повредени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
ОН повика на деескалација на протестите во Лос Анџелес

Обединетите нации ги повикаа сите вклучени во немирите во Лос Анџелес да ја деескалираат ситуацијата откако демонстрантите се судрија со службениците за имиграција поради притворањето на нелегални мигранти.
„Не сакаме понатамошна милитаризација на ова“, изјави портпаролот на ОН, Фархан Хак, во Њујорк, како одговор на германската агенција ДПА.
„И ги охрабруваме страните на локално, државно и федерално ниво да работат на тоа да се случи ова. Се надеваме дека сите страни на терен ќе ја деескалираат ситуацијата“, додаде Хак.
Претседателот Доналд Трамп им нареди на припадниците на Калифорниската Национална гарда да влезат во Лос Анџелес за време на викендот и покрај противењето на гувернерот Гевин Њусом. Им беше наредено да дејствуваат против демонстрантите кои протестираа против рациите на федералните агенти за имиграција насочени кон нелегалните мигранти.
Трамп верува дека ситуацијата во градот на западниот брег на земјата, каде што луѓето масовно протестираат од петокот поради постапките на агентите на Службата за имиграција и царина (ICE), излезе од контрола.
Градската полиција одговори со солзавец и гумени куршуми додека демонстрантите палеа автомобили и фрлаа молотови коктели. Уапсени се неколку десетици луѓе.
Трамп не ја исклучи можноста за распоредување дополнителни трупи, а денес се закани дека неговиот шеф на граничната патрола, Том Хоман, ќе го уапси Њусом за попречување на напорите за спроведување на имиграциските закони.
„Овие луѓе треба да пораснат“, изјави Њусом за NBC News.
„Таквото брборење е заморно. Затоа, Том, уапси ме. Ајде да одиме“, вели тој.
Свет
(Видео) Исчезнати лица, поплавени улици и населби: силно невреме во Букурешт

Силно невреме го погоди Букурешт.
Поројните дождови предизвикаа хаос, десетици улици беа поплавени, дрвја паднаа врз автомобили, а сообраќајот беше блокиран во неколку населби. Поплавен е и трговски центар, а клиентите беа евакуирани, вклучително и оние што беа во киното.
Today, Bucharest transformed into a Venetian scene after the heavy rains pic.twitter.com/wGIeJ3eDgq
— Brave Romania (@brave_romania) June 9, 2025
Неколку летови не можеа да слетаат на главниот аеродром и беа пренасочени, според локални медиуми.
This evening: Berceni, Bucharest, Romania https://t.co/u26lVF0Yeg pic.twitter.com/WO0B4eUmJj
— Weather Monitor (@WeatherMonitors) June 9, 2025
Во близина на Букурешт, две лица беа однесени од пороите во чамец што претходно се превртел.
По едно лице сè уште трае потрагата.
Градскиот транспортен оператор STB издаде предупредување кратко по почетокот на бурата, наведувајќи повеќекратни блокади на трамвајски линии. За неколку минути, неколку линии беа целосно прекинати или пренасочени, а патниците мораа долго да чекаат на станиците, во поројниот дожд.
Неколку автобуски линии беа целосно блокирани од вода, а дрво што падна на електричната мрежа запре одредени линии.
Слична беше ситуацијата и со трамваите, кои не можеа да сообраќаат поради паднати дрвја и гранки.
Неколку населби во Букурешт беа парализирани поради огромната количина вода. И центарот и периферијата ги почувствуваа последиците од невремето. Водата навлезе во подрумите на бројни станбени згради, а беа уништени и дворовите на приватните куќи. Има и извештаи дека водата навлегла во домовите, што бара итна интервенција на пожарникарите.
Свет
Медински: Ако Киев и НАТО се обидат да ги вратат новите руски региони, ќе следи нуклеарна војна

Помошникот на рускиот претседател Владимир Путин, Владимир Медински, денес изјави дека ако Киев и НАТО се обидат да ги вратат новите региони на Руската Федерација, ќе има нуклеарна војна.
Во интервју за Раша тудеј, Медински рече дека може да се случи нуклеарна војна ако конфликтот во Украина престане без да се склучи вистински мир, бидејќи, според него, Киев и НАТО ќе се обидат да ги вратат новите територии на Руската Федерација, пренесува ТАСС.
„Ако го запреме конфликтот по линијата на фронтот и не се договориме за вистински мир, туку само склучиме некаков вид примирје, тогаш ова ќе биде – знаете, имаше спорен регион меѓу Ерменија и Азербејџан, Карабах – тогаш овој регион ќе се претвори во огромен Карабах“, рече Медински, кој е шеф на руската делегација на разговорите со украинската страна.
Тој рече дека Москва не сака да создаде „џиновски Карабах, непризнаен од никого, поради кој може да избувне нуклеарна војна“.
„По некое време, Украина, заедно со НАТО, со своите сојузници, ќе се приклучи на НАТО, ќе се обиде да го врати, а тоа ќе биде крај на планетата, тоа ќе биде нуклеарна војна“, рече Медински.
Тој додаде дека Русија затоа сака да се склучи „целосен мир“.
„Затоа, сакаме да ја запреме војната, да склучиме целосен мир и да ги признаеме новите територии“, рече Медински, зборувајќи за териториите што Русија ги презеде од почетокот на војната во Украина, пренесува Танјуг.