Свет
Австралија покрена санкции против седум Руси за инцидентот во теснецот Керч
Австралиските власти изјавија дека ќе преземат финансиски санкции и ограничувања за влез против седум Руси во врска со инцидентот во теснецот Керч, се вели во изјавата на австралискиот министер за надворешни работи, Марис Пејн, објавена на веб-страницата на австралиското Министерство за надворешни работи.
„Денеска ги објавувам финансиските санкции и забрана за влез во Австралија против седум руски државјави поради нивната улога во следењето и одземањето на украинските поморски пловни објекти кои се обидуваа да поминат низ теснецот Керч. Австралија е загрижена поради оваа ескалација на тензиите во Азовското Море во ноември 2018 година”, се вели во соопштението.
Понатаму во соопштението, Австралија ја осудува агресијата и ја повикува Русија да ги ослободи притворените украински морнари и запленетите бродови без одлагање, како и да дозволи слободно и непречено поминување на украински и меѓународни бродови низ теснецот Керч и Азовското Море.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Филипинка се породила на крузер и го сокрила бебето: тоа починало
Истражен судија во Гросето, Италија го отфрли обвинението за убиство против Чан Џенсел Пиа Салахид, 28-годишна Филипинка која се породила на бродот за крстарење „Сребрен шепот“ на 17 мај, а потоа беше уапсена за смртта на детето.
Истражниот судија го потврдил приведувањето, а младата жена останала во затвор, но под обвинение за напуштање дете со смрт. Нејзините двајца колеги, кои ја делеле кабината со неа и кои исто така биле уапсени поради смртта на бебето, биле ослободени.
Тие и помогнале да се породи и биле соучесници во прикривањето.
Како што пишува „Rai News“, по добивањето на резултатите од обдукцијата, судот ги отфрли обвиненијата за убиство. Засега не се знае за што точно ќе биде обвинета жената освен за напуштање на детето.
А, таа цело време пред истражителите, според италијанските медиуми, тврдела дека не сакала да го убие својот син, кого го нарекла Тејлор.
Само се плашела дека ќе остане без работа, па го сокрила. Секогаш кога можела, доаѓала да го дои, според исказите. Бебето го оставала во плакарот со подотворена врата за да не падне од креветче и никој да не го види или слушне неговиот плач.
Свет
Путин: Русија ќе разговара за мирот во Украина само со легитимните лидери во Киев
Рускиот претседател Владимир Путин денеска изјави дека мировните преговори во Украина мора да се обноват, но дека Москва ќе соработува исклучиво со легитимните лидери во Киев.
На прес-конференција во Белорусија, Путин истакна дека преговорите мора да ја одразуваат „реалноста на теренот“, пренесува Ројтерс.
Русија го доведува во прашање легитимитетот на владата во Киев и претседателската позиција на Володимир Зеленски, откако Украина објави дека нема да одржи избори оваа година поради војната со Русија.
Зеленски го доби претседателскиот мандат во 2019 година кога го победи поранешниот претседател Петр Порошенко, а следните избори требаше да се одржат во март или април годинава, пренесува Танјуг.
Свет
Трамп: За жал, многу од заложниците што ги чекаме не се меѓу живите
Поранешниот американски претседател и кандидат на Републиканската партија за претстојните претседателски избори во САД, Доналд Трамп, денеска изјави дека многу од заложниците киднапирани од членовите на палестинската милитантна група Хамас во нападот врз јужен Израел во октомври „веќе не се меѓу живите“.
За време на предизборниот митинг во Бронкс, тој зборуваше за меѓународни прашања, а кога е во прашање војната во Газа, рече дека „знаел дека многумина нема да се вратат“ кога видел снимки како се однесувале со заложниците за време на нападот на Хамас, пренесува „The Times of Israel“.
„Меѓу вас гледам многу знамиња на Израел. Тоа е страшна работа, но морам да кажам, верувам дека многу од заложниците што ги чекате и сите ги чекаат, многу од нив се мртви. Некои ќе бидат живи, но многумина се мртви“, рече Трамп, додавајќи дека ништо од ова немаше да се случи доколку претходните претседателски избори, на кои тој загуби од актуелниот американски претседател Џозеф Бајден, не беа „украдени“.
Тој зборуваше и за лидерските способности на Бајден, наведувајќи дека лидерите на Кина, Русија, Унгарија и Северна Кореја ја извршуваат својата работа „на највисоко ниво“, за разлика од Бајден.
Трамп најави и дека доколку биде избран за втор претседателски мандат на изборите на 5 ноември, ќе ги стави САД во позиција „светот повторно да ги почитува“.
Тој вети дека ќе ја подобри транспортната инфраструктура и ќе ја обнови „најголемата економија“, говорејќи во метрополитенската област Бронкс во Њујорк, каде што мнозинството гласачи традиционално одат за демократските кандидати.