Спорт
Харден не може сам, Ембид ги реши Селтикси, Оклахома е во криза (Видео)
Кошаркарите на Оклахома го компромитираат учеството во плејофот откако доживеаја нов пораз, четврти во низа. Измината ноќ во НБА-лигата индивидуално го обележаа Џејмс Харден од Хјустон и Џоел Ембид од Флиладелфија.
Оклахома пред неколку недели беше трета на Западот, а по најновиот пораз, се наоѓа на осмото место и до крајот на регуларниот дел од сезоната ќе води голема борба за пласман во плејофот.
Тандер, по продолжението, беше поразен од Торонто 114:123. Оклахома доживеа порази иако Расел Вестбрук одигра „страшен“ меч (42 поени, 11 скока, 6 асистенции). Пол Џорџ постигна само 19 поени, додека потфрли Стивен Адамс со четири поени.
Торонто ќе игра без првиот плејмејкер Кајл Лаури до крајот на сезоната, меѓутоа тоа не се почувствува на овој меч. Паскал Сијакам забележа 33 поени и 13 скока, а Каваи Ленард 22 поени, 10 скока и 6 асистенции.
Хјустон Рокетс падна во продолжението против Мемфис Гризлис 126:125. На франшизата од Тексас не им помогна ниту монструозната партија на Џејмс Харден (57 поени, 7 скока, 8 асистенции). Мемфис до победата ги предводеа Литванецот Јонас Валанчунас со 33 поени, 15 скока, односно Мајк Конли со 35 поени и 8 асистенции.
Филалделфија во финишот на сезоната влегува во посакуваниот ритам. Во дербито на Истокот, Фила славеше над Бостон Селтикс 118:115. Блескаше Камерунецот Џоел Ембид со 37 поени, 21 скок, 4 асистенции. Бостон ги предводеше Кајто Ирвинг со 36 поени и 9 скока.
Резултати:
Кливленд Кавалирс-Милвоки Бакс 107:102
Орладно Меџик-Њу Орлеанс Пеликанс 119:96
Филалделфија-Бостон Селтикс 118:115
Њујорк Никс-Јута Џез 116:137
Чикаго Булс-Вашингтон Визардс 126:120
Мемфис Гризлис-Хјустон Рокетс 126:125
Сан Антонио Спарс-Мајами Хит 105:110
Оклахома Тандер-Торонто Репторс 114:123
Портланд Трејлблејзерс-Далас Маверикс 126:118
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.