Венецуелските власти уапсиле тројца функционери на Националната гарда поради сомневање дека се вмешани во криумчарњето ан 1,3 тони чист кокаин во вредност од 200 милиони евра, минатата седмица запленети во авиона на „Air France“ кој од Каракас летал за Париз, објави венецуелскиот државен обвинител.

Оваа заплена дојде во време кога САД повторно ја обвинија Венецуела дека не вложува доволно во борбата против трговијата со наркотици, особено на кокаинот кој доаѓа од соседната Колумбија, коишто завршуваат на западните пазари.

Државното обвинителство на Венецуела кривично гони двајца наредници и натпоручник, но не откри детали на кои се темели обвинението. Додаде само дека во Франција претходно минатата седмица се уапсени за истиот случај тројца Италијанци и тројца Британци.

Дрогата била сокриена во багажот, во триесет сандаци, кој не му припаѓал на ниеден од патниците чијашто крајна дестинација бил меѓународниот париски аеродром „Шарл Дегол“.

Францускиот министер за внатрешни работи, Мануел Валс изјави дека дрогата е проценета на 50 милиони евра, меѓутоа со препродажба на црнито пазар би можела да достигне вредност и до 200 милиони евра.

На конференцијата за медиумите во саботата навечер во канцеларијата на централното биро за сузбивање на криумчарењето на наркотици во француското гратче Нантер во близина на Париз, францускиот министер за внатрешни работи Мануел Валс им честиташе на истражните органи на оваа заплена, најголемата досега во Франција.

Според властите на Венецуела, станува збор за истрага којашто траеле неколку седмици во соработка со француската, шпанската, британската и холандската полиција, операција којашто овозможила во петокот да бидат запленети 1.300 килограми висококвалитетен чист кокаин.

Воздухопловната компанија „Air France“ соопшти дека води истрага како дрогата била внесена во авионот, како и дека се подобрени мерките за да се зголеми контролата на багажот и стоките на влезот од одредени „чувствителни“ дестинации.

САД повеќе до една деценија ја обвинуваат Венецуела дека „замижува“ пред криумчарењето дроги. Белата куца претходно во септември во годишниот извештај забележа дека Венецуела, покрај Боливија и Мијанмар, не сторила позначителни напори изминатите 12 месеци за да ги исполни обврските преземени со меѓународниот договор за сузбивање на злоупотребите на дрогите.

Венецуелскиот претседател Николас Мадуро, кој го замени на власта покојниот Хуго Чавез, овие критики ги квалификуваше како политички мотивирани. Тој тврди дека контролата врз и соработката во борбата против наркотиците всушност е подобрена, особено откако во 20005 година претседателот Чавез ги исфрли од Венецуела американските агенти за сузбивање на наркотиците./крај/мф/сн