Свет
Палестински клерик тврди дека џихадот ќе ја трансформира Франција во муслиманска држава
![](https://makfax.com.mk/wp-content/uploads/2019/03/25-палестинец.jpg)
Според еден муслимански клерик, муслиманите имаат потреба од држава што ќе им овозможи да ја пренесат пораката за исламот во западниот свет, пренесува „Спутник“.
За да го поддржи своето тврдење дека муслиманската култура би можела да го надвладее, палестинскиот клерик Абу Таки ал-Дин ал-Дари го наведе примерот на Отоманската Империја, која доминирала во голем дел од Југоисточна Европа до 19 век.
Ал-Дари им се обратил на посетителите на џамијата „Ал-Акса“ тврдејќи дека џихадот ќе ја трансформира Франција во исламска држава. Видеото на неговиот говор беше поставено онлајн на средината на март.
„Франција ќе стане исламска земја преку џихадот, целиот свет ќе биде под исламска власт“, нагласува тој.
Ал-Дари исто така го изрази своето мислење за разните ставови за бракот велејќи дека француската и германската младина имаат тенденција да не се одлучат за брак и не се обидуваат да се смират, а муслиманите ги ценат тие единства меѓу двојките. Затоа, тој претпоставува дека до 2050 година Франција ќе биде населена главно од муслимани, а не од Французи.
Коментарите на клерикот доаѓаат кога Европол информира дека џихадизмот е одговорен за најсериозните форми на терористичка активност во ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Избран е нов патријарх на Бугарската православна црква
![](https://makfax.com.mk/wp-content/uploads/2023/08/sofija-bugarija-3.jpg)
Бугарската православна црква го избра митрополитот Даниил за нов патријарх и митрополит софиски.
Ѕвоната во храмот на Александар Невски во центарот на Софија го најавија изборот на новиот патријарх, кој доби поддршка од 69 делегати на црковниот собор, додека митрополитот Григориј беше поддржан од 66 делегати, пренесе агенцијата БТА.
Патријархот се избира доживотно, освен ако не се пензионира.
На чело на Бугарската православна црква, Даниил Видински го наследи патријархот Неофит, кој почина во март на 78-годишна возраст, откако 11 години ја водеше црквата.
Новиот бугарски патријарх се смета за проруски настроен и тој застана на страната на Московската патријаршија во спорот со Вселенскиот патријарх во врска со независноста на Украинската православна црква, пренесе АП.
Даниил го критикуваше и протерувањето минатата есен на еден Русин и двајца белоруски свештеници обвинети за шпионирање за Москва.
Патријархот Даниил (52), роден Атанас Николов, студирал теологија во Софија, а потоа се замонашил во манастирот.
Тој припаѓа на првата генерација млади Бугари кои се приклучија на црквата по падот на комунизмот.
Европа
Маж со нож нападнал полициска патрола во Германија, убиен е
![](https://makfax.com.mk/wp-content/uploads/2024/03/germanska-policija-1.jpg)
Маж вчера со нож нападнал тројца полицајци во близина на Нирнберг во Германија. Тој почина откако беше застрелан од полицијата на железничка станица, изјави портпаролот на полицијата.
Тој починал на местото на настанот, во јужниот град Лауф ан дер Пегниц, и покрај итните мерки за прва помош, изјави портпаролот.
Според полицијата, напаѓачот најпрвин нападнал полициски автомобил во патрола. Кога полицајците излегле од возилото, тој тргнал кон нив.
„Имаше нож“, рече портпаролот.
Портпаролот рече дека нема повредени полицајци и не даде детали за тоа колку истрели биле испукани, кој испукал или каде бил погоден човекот.
Тој, исто така, првично не го коментираше идентитетот на напаѓачот или позадината на неговиот напад.
Според портпаролот на полицијата, просторот пред станицата е ограден.
Свет
(Видео) Нереди во Франција по победата на десницата
![](https://makfax.com.mk/wp-content/uploads/2024/07/12338831.jpg)
Илјадници луѓе се собраа во Париз на протест против десницата по објавувањето на резултатите од првиот круг од парламентарните избори во земјата.
Француските медиуми пренесоа дека демонстрантите демолирале излози, а имало судири со полицијата која , пак, возвратила со солзаевц.
Францускиот претседател Емануел Макрон синоќа во првите реакции по првиот круг од предвремените избори повика да се формира поширок републикански собир пред вториот круг од изборите. На европскиот самит во Брисел, откако минатата недела предупреди дека Франција ризикува „граѓанска војна“ доколку на власт дојде партијата предводена од Марин Ле Пен или левичарската коалиција „Новиот народен фронт“, Макрон рече дека неограничениот расизам и анти-семитизмот ќе бидат ослободени во земјата“.
🇫🇷Left-wing protesters gather at Place de la République in Paris to protest the far-right.#legislatives2024 pic.twitter.com/y3tViDDzlR
— NoComment (@nocomment) June 30, 2024
Изборите беа ненадејно распишани од Емануел Макрон, откако неговата партија Преродба претрпе пораз од екстремно десничарската партија Национален собир на Марин Ле Пен на изборите за Европскиот парламент.